Prezident Qasym-Jomart Toqaev BAQ salasy qyzmetkerlerin marapattaý rásiminde sóilegen sózinde elde atom elektr stansasyn salý jobasy týraly pikir bildirdi.
"Ózderińiz jaqsy bilesizder, ekonomikany damytý úshin turaqty energiia kózi kerek. Sondyqtan men atom elektr stansasyn salý máselesin pysyqtaý týraly naqty tapsyrma berdim. Qazir jan-jaqty talqylaý bolyp jatyr. Ártúrli pikir aitylyp jatyr. Bul úderiske buqaralyq aqparat quraldary da belsene atsalysýy kerek", - dedi ol.
Memleket basshysynyń paiymdaýynsha, elimizde atom energetikasyn damytýǵa zor múmkindik bar.
"Ony durys, iaǵni tiimdi paidalanǵan jón. Osy máselege qatysty sońǵy sheshimdi halyq qabyldaidy. Referendým biyl kúzde ótedi. Úkimet naqty datany aiqyndaidy", - dedi Prezident.
