Atom elektr stantsiiasyn salyp-salmaý máselesinde qazaqstandyqtardyń pikiri eskeriledi, dep habarlaidy Sputnik Qazaqstan.
"Qazaqstandyqtardyń pikiri eskeriledi. Orynǵa qatysty aitar bolsam, biz túrli alańdardy zerdeledik. Aýdannyń seismikalyq jaǵdaiy, sýdyń qoljetimdiligi jáne taǵy basqalary qaraldy. Bylaisha aitqanda, qysqa tizim jasalyp, Shyǵys Qazaqstandaǵy Kýrchatov alańy men Almaty oblysyndaǵy Úlken aýyly irikteldi", - dedi energetika ministriniń orynbasary Maǵzum Myrzaǵaliev senat kýlýarynda.
Vitse-ministr AES salý máselesi birneshe jyldan beri talqylanyp jatqanyn atap ótti. Biraq sheshim áli kúnge deiin qabyldanǵan joq.
"Jaqyn arada sheshim qabyldanady dep aita almaimyn. Bizde ázirge elektr energiiasy jetip artylady", - dedi ol.
Stantsiianyń qýattylyǵy, merzimi, naqty orny áli belgilenbegendikten, qurylysqa qansha qarajat jumsalatyny týraly aitý erte deidi Myrzaǵaliev.
Buǵan deiin Myrzaǵaliev eger Qazaqstan atom elektr stantsiiasyn salatyn bolsa, onda oǵan Almaty oblysynyń Úlken aýylynan jer bólinetinin aitqan edi.
Eske sala ketsek, keshe Máskeýde eki el prezidentteriniń kezdesýinde Vladimir Pýtin Resei Qazaqstanda atom elektr stantsiiasyn salýdy usynatynyn málimdegen bolatyn.
