Foto: Shutterstock
Adamzat tarihynda qol jetkizilgen órkenietti qadamdardyń biri – iadrolyq ǵylym men tehnologiialardy beibit maqsatta paidalaný. Atom energiiasy jónindegi halyqaralyq agenttiktiń málimetinshe, álemde atom energetikasyn damytý múmkindigin qarastyryp jatqan 27 eldiń ishinde birinshi AES-ti salý boiynsha 17 memleket qatarynda Qazaqstan sheshim qabyldaý satysynda tur. Degenmen qoǵam arasynda AES qurylys jobasyna ekijaqty kózqaras bar. Sala mamandary, energetikter men ǵalymdar AES-ti salý eldegi ekonomikanyń damýy men áleýmettik jaǵdaidyń jaqsarýyna ákeler edi degen pikir aitady. Solardyń biri - injener Sanalbai Janar Qairatqyzy. Ol radiatsiia tabiǵi kózderden tabiǵi túrde óndiriletinin aitady.
"Iadrolyq tehnologiialar halyq pen iadrolyq qondyrǵylar personalynyń densaýlyǵyna radiatsiialyq áser etý múmkindigimen bailanysty. Degenmen, radiatsiia tabiǵi kózderden tabiǵi túrde óndiriledi. «Jasandy» radioaktivti sáýlelenýdiń adamǵa áseri tabiǵi radiatsiiadan esh aiyrmashylyǵy joq. Iadrolyq qondyrǵylar adamdardy jáne qorshaǵan ortany radioaktivti materialdardyń shyǵýynan qorǵaý úshin kóptegen qaýipsizdik kedergilerimen jasalǵan.
Ulybritaniianyń qadaǵalaý organynyń materialdarynda usynylǵan esepteýlerge sáikes, britandyq qoǵamnyń kez kelgen múshesi úshin usynylǵan atom elektr stantsiiasynyń jyldyq sáýlelený dozasy Ulybritaniiadan Niý-Iorkke jáne keri ushý kezindegidei bolady. Adamdardyń kópshiligi kúndelikti ómirde áser etetin radioaktivti sáýlelenýdiń 0,1%-dan azyn iadrolyq energiia quraidy", - dep jazdy maman óziniń jeke paraqshasynda.
.jpg)
