Foto: pexels.com
Búgin ortalyq komissiia Qazaqstanda AES salý boiynsha referendým uiymdastyrý men ótkizýge 15,5 mlrd teńge jumsaý josparlanǵanyn habarlady, dep jazady "Ult aqparat".
"Konstitýtsiialyq zańnyń 28-babyna sáikes, Ortalyq sailaý komissiiasy shyǵyndardyń shamamen eseptik smetasyn ázirlep, ony qaraý úshin úkimetke usynady. Búgin tańerteń jarlyq jariialanǵannan keiin bul mindet oryndaldy. Memleket basshysy referendýmnyń boljamdy merzimderin birneshe ret atap ótkendikten, biz aldyn ala daiyndalyp, jalpy shyǵyndar somasyn eseptedik, ol bizdiń eseptik smetamyzǵa sáikes 15,5 milliard teńgeni quraidy", - dedi ortalyq komissiia múshesi Sábila Mustafina.
Onyń aitýynsha, bul somaǵa 63 elde ornalasqan 78 sheteldik sailaý ýchaskesinde respýblikalyq referendýmdy uiymdastyrý men ótkizý shyǵyndary da kiredi.
"Bul smetada jalpy somanyń 71%-y barlyq organnyń komissiia músheleriniń eńbekaqysyna arnalǵan - olardyń sany 70 myńnan asady. Qalǵan 29%-y basqa uiymdastyrý shyǵyndaryna - aqparattyq súiemeldeý, biýlletender daiyndaý, baspa ónimderi, keńse taýarlary jáne ýchaskelik sailaý komissiialarynyń jumysyn uiymdastyrý úshin qajetti barlyq zattarǵa bólingen", - dep málimdedi spiker.
