Úlken aýly. Foto ©Tengrinews.kz
Energetika ministri Bolat Aqsholaqov atom elektr stansasy salynatyn oryndy naqtylady, dep habarlaidy QazAqparat.
«Naqty oryn emes, ornalasatyn óńirge qatysty vedomstvoaralyq komissiia ótkizdik. Qalai desek te, ol Balqash kóli mańynda ornalasady. Bul - Almaty oblysyndaǵy Úlken aýylynyń tóńiregi. AES salynatyn jerdi aiqyndadyq», - dedi Aqsholaqov Prezident janyndaǵy Shetel investorlary keńesiniń otyrysynan keiin BAQ ókilderine.
Onyń atap ótýinshe, endi atom elektr stansasy qurylysyna qatysty birqatar aspektini zerdeleý qajet.
«Biyl osy ýaqytqa deiin birneshe ret aitqan niýanstardy zerdeleý jumysyn júrgizý qajet. Olar geologiia jáne sýǵa bailanysty mán-jailar. Osydan keiin naqty koordinattar belgili bolady. Sodan soń esepteýlerdi bailanystyramyz. Biraq esep júrgizý úshin tehnologiiany aiqyndaý qajet. Tehnologiiany kelesi jyly aiqyndaimyz», - dedi ministr.
