855 advokat pen 674 zań konsýltanty onlain rejiminde elimizdiń árbir azamatyna kásibi zań kómegin usynýǵa daiyn, dep habarlaidy «Ulttyq aqparattyq tehnologiialar» AQ baspasóz qyzmeti.
«E–Zańkómegi» zań kómeginiń biryńǵai aqparattyq júiesi - bul árbir azamat úiden shyqpai-aq, múldem tegin bilikti zań kómegin alatyn qural. Advokattar men zań konsýltanttary sot protsesi boiynsha jeke jáne zańdy tulǵalar týraly derekterdi tekserýdiń zamanaýi quraldaryn alady. Budan basqa, júie dáleldemelerdi jinaý protsesin tezdetýge múmkindik beredi jáne Qazaqstan Respýblikasynyń Memlekettik jáne memlekettik emes organdarymen ózara is-qimyldy jeńildetedi», delingen habarlamada.
«E-Zań kómegi» biryńǵai aqparattyq júiesi «Ulttyq aqparattyq tehnologiialar» AQ óz kúshimen «Tsifrlyq Qazaqstan» memlekettik baǵdarlamasyn júzege asyrý aiasynda Qazaqstan Respýblikasynyń «Advokattyq qyzmet jáne zań kómegi týraly» zańyn oryndaý maqsatynda ázirlendi» - dep túsindirdi kompaniianyń basqarma tóraǵasy Áset Turysov.
Qazaqstan Konstitýtsiiasy men zańdaryna sáikes árkimniń azamattyq, ákimshilik jáne qylmystyq is júrgizý barysynda bilikti zań kómegin alýǵa quqyly. Memleket kepildik bergen zań kómegin tegin negizde quqyqtyq aqparattandyrý túrinde alý quqyǵyna barlyq jeke jáne zańdy tulǵalar ie.
