Memleket basshysy Qasym-Jomart Toqaev saltanatty ulyqtaý rásiminde elimizde eńbek adamyna erekshe qurmet kórsetilýi qajet ekenin aitty, dep habarlaidy "Ult aqparat" Aqordanyń baspasóz qyzmetine silteme jasap.
«Ádiletti Qazaqstanda eńbek adamyna erekshe qurmet kórsetilýge tiis. Ásirese, ustaz, dáriger, tártip saqshysy, qutqarýshy, jumysshy, sharýa siiaqty mamandardyń mártebesin odan ári arttyra túsýimiz qajet. Olar elimizdegi eń syily azamattarǵa ainalýy kerek.
Osy kásip ieleri tiisti qurmet pen syiǵa ie bolǵanda ǵana, qoǵamymyz shynymen jańardy dep aita alamyz», - dedi Prezident.
Sonymen qatar Qasym-Jomart Toqaev naǵyz qaharmandardyń jurt nazarynan tys jerde júrgenin atap ótti.
«Kópshilik qazirgi ýaqytta naǵyz batyrlardyń jetispeitinin aitady. Biraq naǵyz qaharmandar jurttyń nazarynan tys jerde. Olar bizdiń aramyzda. Batyrlar kún saiyn zaýyt stanogynda jumys isteidi, qoǵamdyq kólik júrgizedi, ushaq shtýrvalyna otyrady, qutqarýshynyń qorǵanys kiimin kiedi, naýqasqa jedel járdem berýge asyǵady, áskeri tehnikany meńgeredi.
Naǵyz batyrlar balalarymyz ben qart ata-analarymyzdyń dastarhany as-aýqat toly bolýy úshin aýylda tańmen talasa oianady. Bizdiń batyrlar – óziniń jeke kásibin bastaityn, jumys oryndaryn ashatyn, qyzmetkerleri men olardyń otbasylaryna jańa múmkindikter týdyratyn kásipkerler.
Bizdiń batyrlar – óziniń mahabbaty men kúsh-qýatyn, tájiribesi men bilimin, múlki men qarajatyn qoǵamǵa riiasyz usynatyn eriktiler men igi is jasaityndar. Olardyń barlyǵy – halyqtyń maqtanyshy ári úmiti. Mine, osyndai eńbek adamdary – elimiz ben memleketimizdiń tiregi» - dedi Memleket basshysy.
