مەملەكەت باسشىسى قاسىم-جومارت توقاەۆ سالتاناتتى ۇلىقتاۋ رەسٸمٸندە ەلٸمٸزدە ەڭبەك ادامىنا ەرەكشە قۇرمەت كٶرسەتٸلۋٸ قاجەت ەكەنٸن ايتتى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
«ەدٸلەتتٸ قازاقستاندا ەڭبەك ادامىنا ەرەكشە قۇرمەت كٶرسەتٸلۋگە تيٸس. ەسٸرەسە, ۇستاز, دەرٸگەر, تەرتٸپ ساقشىسى, قۇتقارۋشى, جۇمىسشى, شارۋا سيياقتى مامانداردىڭ مەرتەبەسٸن ودان ەرٸ ارتتىرا تٷسۋٸمٸز قاجەت. ولار ەلٸمٸزدەگٸ ەڭ سىيلى ازاماتتارعا اينالۋى كەرەك.
وسى كەسٸپ يەلەرٸ تيٸستٸ قۇرمەت پەن سىيعا يە بولعاندا عانا, قوعامىمىز شىنىمەن جاڭاردى دەپ ايتا الامىز», - دەدٸ پرەزيدەنت.
سونىمەن قاتار قاسىم-جومارت توقاەۆ ناعىز قاھارمانداردىڭ جۇرت نازارىنان تىس جەردە جٷرگەنٸن اتاپ ٶتتٸ.
«كٶپشٸلٸك قازٸرگٸ ۋاقىتتا ناعىز باتىرلاردىڭ جەتٸسپەيتٸنٸن ايتادى. بٸراق ناعىز قاھارماندار جۇرتتىڭ نازارىنان تىس جەردە. ولار بٸزدٸڭ ارامىزدا. باتىرلار كٷن سايىن زاۋىت ستانوگىندا جۇمىس ٸستەيدٸ, قوعامدىق كٶلٸك جٷرگٸزەدٸ, ۇشاق شتۋرۆالىنا وتىرادى, قۇتقارۋشىنىڭ قورعانىس كيٸمٸن كيەدٸ, ناۋقاسقا جەدەل جەردەم بەرۋگە اسىعادى, ەسكەري تەحنيكانى مەڭگەرەدٸ.
ناعىز باتىرلار بالالارىمىز بەن قارت اتا-انالارىمىزدىڭ داستارحانى اس-اۋقات تولى بولۋى ٷشٸن اۋىلدا تاڭمەن تالاسا ويانادى. بٸزدٸڭ باتىرلار – ٶزٸنٸڭ جەكە كەسٸبٸن باستايتىن, جۇمىس ورىندارىن اشاتىن, قىزمەتكەرلەرٸ مەن ولاردىڭ وتباسىلارىنا جاڭا مٷمكٸندٸكتەر تۋدىراتىن كەسٸپكەرلەر.
بٸزدٸڭ باتىرلار – ٶزٸنٸڭ ماحابباتى مەن كٷش-قۋاتىن, تەجٸريبەسٸ مەن بٸلٸمٸن, مٷلكٸ مەن قاراجاتىن قوعامعا ريياسىز ۇسىناتىن ەرٸكتٸلەر مەن يگٸ ٸس جاسايتىندار. ولاردىڭ بارلىعى – حالىقتىڭ ماقتانىشى ەرٸ ٷمٸتٸ. مٸنە, وسىنداي ەڭبەك ادامدارى – ەلٸمٸز بەن مەملەكەتٸمٸزدٸڭ تٸرەگٸ» - دەدٸ مەملەكەت باسشىسى.
