Ádilet ministrliginiń qaraýynda úsh saiasi partiianyń tirkeý týraly ótinimi jatyr. Bul jaiynda vedomstvo basshysy Qanat Mýsin málimdedi, dep habarlaidy Sputnik Qazaqstan.
"Qazirgi tańda ádilet ministrligi úsh partiiadan ótinim qabyldady. Úsh partiia uiymdastyrýshylyq, sezd shaqyrý kezeńinde. Durysy, bir partiia sezin ótkizip qoidy. Qazir partiia músheleriniń tizimi tekserilip jatyr. Eki partiia sezd shaqyrý satysynda", - dedi Mýsin Májilis kýlýarynda jýrnalisterdiń suraǵyna jaýap berip.
Aitýynsha, jalpy segiz partiia Ádilet ministrligine ótinim bergen, biraq ázirge olar birinshi kezeńnen ótken joq.
Aita keteri, búgin Májilis saiasi partiialardy tirkeý tártibine qatysty túzetýler engizilgen zań jobasyn birinshi oqylymda maquldady.
Zań jobasyna sáikes, saiasi partiialardy tirkeý úshin onyń sandyq shegi 20 myńnan 5 myńǵa deiin, saiasi partiialardyń óńirlerdegi ókildikteriniń sany 600-den 200-ge deiin, saiasi partiiany qurý kezindegi bastamashyl top azamattarynyń sany 1 myńnan 700-ge deiin qysqartylady.
