ەدٸلەت مينيسترلٸگٸنٸڭ قاراۋىندا ٷش ساياسي پارتييانىڭ تٸركەۋ تۋرالى ٶتٸنٸمٸ جاتىر. بۇل جايىندا ۆەدومستۆو باسشىسى قانات مۋسين مەلٸمدەدٸ, دەپ حابارلايدى Sputnik قازاقستان.
"قازٸرگٸ تاڭدا ەدٸلەت مينيسترلٸگٸ ٷش پارتييادان ٶتٸنٸم قابىلدادى. ٷش پارتييا ۇيىمداستىرۋشىلىق, سەزد شاقىرۋ كەزەڭٸندە. دۇرىسى, بٸر پارتييا سەزٸن ٶتكٸزٸپ قويدى. قازٸر پارتييا مٷشەلەرٸنٸڭ تٸزٸمٸ تەكسەرٸلٸپ جاتىر. ەكٸ پارتييا سەزد شاقىرۋ ساتىسىندا", - دەدٸ مۋسين مەجٸلٸس كۋلۋارىندا جۋرناليستەردٸڭ سۇراعىنا جاۋاپ بەرٸپ.
ايتۋىنشا, جالپى سەگٸز پارتييا ەدٸلەت مينيسترلٸگٸنە ٶتٸنٸم بەرگەن, بٸراق ەزٸرگە ولار بٸرٸنشٸ كەزەڭنەن ٶتكەن جوق.
ايتا كەتەرٸ, بٷگٸن مەجٸلٸس ساياسي پارتييالاردى تٸركەۋ تەرتٸبٸنە قاتىستى تٷزەتۋلەر ەنگٸزٸلگەن زاڭ جوباسىن بٸرٸنشٸ وقىلىمدا ماقۇلدادى.
زاڭ جوباسىنا سەيكەس, ساياسي پارتييالاردى تٸركەۋ ٷشٸن ونىڭ ساندىق شەگٸ 20 مىڭنان 5 مىڭعا دەيٸن, ساياسي پارتييالاردىڭ ٶڭٸرلەردەگٸ ٶكٸلدٸكتەرٸنٸڭ سانى 600-دەن 200-گە دەيٸن, ساياسي پارتييانى قۇرۋ كەزٸندەگٸ باستاماشىل توپ ازاماتتارىنىڭ سانى 1 مىڭنان 700-گە دەيٸن قىسقارتىلادى.
