QR Ádilet ministri Qanat Mýsin Konstitýtsiialyq sot qurý úshin qandai zańnamalyq ózgerister engiziletinin aitty, dep habarlaidy QazAqparat.
«Konstitýtsiialyq sot qurý úshin áýeli Konstitýtsiiaǵa ózgerister enigizilýi kerek. Óitkeni ondai organdar Konstitýtsiiada kórsetilýi kerek. Konstitýtsiiaǵa ózgerister engizgennen keiin Konstitýtsiialyq sot týraly bólek konstitýtsiialyq zań qabyldanady», - degen ministr atalǵan zańnamalyq ózgerister jyl sońyna deiin qabyldanýy kerektigin túsindirdi.
«Konstitýtsiialyq sottyń tóraǵasyn kim taǵaiyndaityny, Parlamenttiń sailaýy arqyly taǵaiyndala ma, bul suraqtyń bárin osy zańdy ázirlegen kezde belgili bolady. Áli zań joq bolǵandyqtan, qazir qalai bolatynyn eshkim aita almaidy.
Jyl sońyna deiin Konstitýtsiiaǵa búkil ózgerýler men túzetýler, qajetti konstitýtsiialyq zańdar, basqa da zańdar ázirlenip, qabyldanýy kerek, odan keiin baryp Konstitýtsiialyq sot qurylady», - dedi Qanat Mýsin.
