قر ەدٸلەت مينيسترٸ قانات مۋسين كونستيتۋتسييالىق سوت قۇرۋ ٷشٸن قانداي زاڭنامالىق ٶزگەرٸستەر ەنگٸزٸلەتٸنٸن ايتتى, دەپ حابارلايدى قازاقپارات.
«كونستيتۋتسييالىق سوت قۇرۋ ٷشٸن ەۋەلٸ كونستيتۋتسيياعا ٶزگەرٸستەر ەنٸگٸزٸلۋٸ كەرەك. ٶيتكەنٸ ونداي ورگاندار كونستيتۋتسييادا كٶرسەتٸلۋٸ كەرەك. كونستيتۋتسيياعا ٶزگەرٸستەر ەنگٸزگەننەن كەيٸن كونستيتۋتسييالىق سوت تۋرالى بٶلەك كونستيتۋتسييالىق زاڭ قابىلدانادى», - دەگەن مينيستر اتالعان زاڭنامالىق ٶزگەرٸستەر جىل سوڭىنا دەيٸن قابىلدانۋى كەرەكتٸگٸن تٷسٸندٸردٸ.
«كونستيتۋتسييالىق سوتتىڭ تٶراعاسىن كٸم تاعايىندايتىنى, پارلامەنتتٸڭ سايلاۋى ارقىلى تاعايىندالا ما, بۇل سۇراقتىڭ بەرٸن وسى زاڭدى ەزٸرلەگەن كەزدە بەلگٸلٸ بولادى. ەلٸ زاڭ جوق بولعاندىقتان, قازٸر قالاي بولاتىنىن ەشكٸم ايتا المايدى.
جىل سوڭىنا دەيٸن كونستيتۋتسيياعا بٷكٸل ٶزگەرۋلەر مەن تٷزەتۋلەر, قاجەتتٸ كونستيتۋتسييالىق زاڭدار, باسقا دا زاڭدار ەزٸرلەنٸپ, قابىلدانۋى كەرەك, ودان كەيٸن بارىپ كونستيتۋتسييالىق سوت قۇرىلادى», - دەدٸ قانات مۋسين.
