QR Prezidenti Ákimshiliginiń Basshysy Ádilbek Jaqsybekov qyzmetinen bosatyldy. Bul týraly Aqordanyń baspasóz qyzmeti habarlady.
"Memeleket basshysynyń Jarlyqtarymen: Ádilbek Ryskeldiuly Jaqsybekov zeinetkerlik jasqa tolýyna bailanysty Qazaqstan Respýblikasy Prezidenti Ákimshiliginiń Basshysy qyzmetinen bosatyldy" delingen habarlamada.
Aita ketsek, búgin Elbasy jarlyǵymen Prezident Ákimshiligi basshysy bolyp Áset Órentaiuly Isekeshev taǵaiyndaldy.
Sondai-aq, Baǵdat Qultaiuly Ámireev te basqa jumysqa aýysýyna bailanysta Qazaqstan Respýblikasynyń Iran Islam Respýblikasyndaǵy Tótenshe jáne Ókiletti Elshisi qyzmetinen bosatyldy.
Eske sala ketsek, Ádilbek Ryskeldiuly JAQSYBEKOV 1954 jyly 26 shildede Qostanai oblysy, Qarabalyq aýdanynyń Bórili aýylynda týǵan.
1977 jyly Búkilodaqtyq memlekettik kinematografiia institýtynyń (Máskeý qalasy) ekonomika fakýltetin bitirgen, 1987 jyly Plehanov atyndaǵy Máskeý halyq sharýashylyǵy institýtynda «materialdyq-tehnikalyq jabdyqtaýdy uiymdastyrýshy» mamandyǵy boiynsha qaita daiarlaýdan ótti. Ekonomika ǵylymdarynyń kandidaty.
Qazaq KSR Memkino jáne Memjabdyqtaý júiesinde jumys istedi, birqatar kásiporyndardy basqarǵan.
1988-1995 jyldary «Tsesna» kópsalaly korporatsiiasyn basqardy.
1995 jyly Qazaqstan Respýblikasy Parlamentiniń Senatyna sailandy.
1996 jyly – Aqmola oblysy ákiminiń birinshi orynbasary.
1997-2003 jyldary – Astana qalasynyń ákimi.
2003-2004 jyldary – Qazaqstan Respýblikasynyń Indýstriia jáne saýda ministri.
2004-2008 jyldary – Qazaqstan Respýblikasy Prezidenti Ákimshiliginiń Basshysy.
2008 jylǵy qańtar men qazan aralyǵynda – «Nur Otan» halyqtyq-demokratiialyq partiiasy tóraǵasynyń birinshi orynbasary – Qazaqstan Respýblikasy Prezidentiniń keńesshisi.
2008-2009 jyldary – Qazaqstan Respýblikasynyń Resei Federatsiiasyndaǵy Tótenshe jáne Ókiletti Elshisi.
2009-2014 jyldary – Qazaqstan Respýblikasynyń Qorǵanys ministri.
2014 jylǵy sáýir men qazan aralyǵynda – Qazaqstan Respýblikasynyń Memlekettik hatshysy.
2014-2016 jyldary – Astana qalasynyń ákimi.
2016 jylǵy 21 maýsymda Qazaqstan Respýblikasy Prezidenti Ákimshiliginiń Basshysy bolyp taǵaiyndaldy.
Qazaqstan Respýblikasy Memlekettik syilyǵynyń laýreaty.
«Qazaqstan Respýblikasynyń Tuńǵysh Prezidenti Nursultan Nazarbaev», I, II jáne III dárejeli «Barys», III dárejeli «kniaz Iaroslav Mýdryi» (Ýkraina) ordenderimen jáne medaldarmen nagradtalǵan.
Tótenshe jáne Ókiletti Elshi diplomatiialyq dárejesine ie.
