Parij Olimpiadasynyń qola júldegeri Nazym Qyzaibai Instagram arqyly tanymal ánshi Dimash Qudaibergennen hat alyp turatynyn málimdedi, dep habarlaidy Ult.kz.
Bul týraly sportshy telejúrgizýshi Dinara Sátjannyń «Late night show with Dinara Satzhan» baǵdarlamasynda aitty. Baǵdarlama barysynda Dinara Sátjan fotoshop kómegimen jasalǵan, Nazym Qyzaibai men Dimash Qudaibergenniń birge turǵan sýretin kórsetti.
"Ooo, ádemi jarasady ekenbiz, iá!?" - dedi Nazym Qyzaibai tańdanysyn jasyrmai.
Dinara Sátjan osy oraida ekeýiniń qurdas ekenin, alaida Nazymnyń bir jasqa úlken bolǵany qorqynyshty emes ekenin aitty.
"Qorqynyshty emes. Odan da kishkentai balalar jazady", - dedi boksshy.
Sózin jalǵai otyryp, jarystarda jeńiske jetkende Dimash Qudaibergennen hat kelip turatynyn aitty.
"Dimash ekeýimiz Instagram-da bir birimizge tirkelgenbiz. Jarystarda jeńiske jetkende quttyqtap turady. Men de onyń Stories-terine anda-sanda jazyp turamyn.
Al offlain bizde qysqy Ýniversiada (2017 jyl) ótkende kóriskenbiz", - dedi Nazym Qyzaibai.
