Foto: uiymdastyrýshylardan
Kezekti ret ótiziletin «Miss Qazaqstan» sulýlyq baiqaýynyń biyl tujyrymdamasy túbegeili ózgerdi deidi uiymdastyrýshylar. Bul týraly Ult.kz habarlaidy.
Baiqaý direktory Aijan Rýzaevanyń aitýynsha, «Miss Qazaqstan» sulýlyq baiqaýy endi áielderdiń damý alańyna ainalmaq. Muny biylǵy maýsymnyń urany da (The Art Of Being A Woman), jeńimpazǵa beriletin basty syilyq – Eýraziia tehnologiialyq ýniversitetinde (ETÝ) kez kelgen mamandyq boiynsha oqýǵa beriletin grant ta rastaidy.
Baiqaýdyń PR-direktory Gúlim Sovetqan zamanaýi arý ádemi bolyp qana qoimai, sonymen qatar áleýmettik sharalarǵa aralasýy, shyǵarmashyl, aqyldy, ózin-ózi qamtamasyz ete alatyn jáne táýelsiz bolýy mańyzdy ekenin atap ótti. Sonymen qatar ol finalǵa bir apta ǵana qalǵanyn aityp, qazaqstandyqtrdy súiikti qatysýshysy úshin áleýmettik jelide daýys berýge shaqyrdy.
"Biz ótinim bergen eki myń qyzdyń arasynan biz 20 úzdik finalistti tańdadyq. Olar – úzdik shoý-baǵdarlamaǵa qatysý úshin osy ýaqyt boiy defile, horeografiia jáne sheshendik ónerdi yjdaǵattylyqpen jasaǵandar", - dedi ol.
Foto: uiymdastyrýshylardan
«Miss Qazaqstan» jańa qaiyrymdylyq qorynyń jetekshisi Ramina Ibragimova qazir baiqaýǵa qatysýshylar ekologiialyq naýqandardy, áleýmettik sharalardy jáne qaiyrymdylyqty belsendi túrde qoldaitynyn aitty. Onyń aitýynsha, bul halyqaralyq jarystardyń da talaby bolyp sanalady.
"Al osy maýsymnyń jeńimpazy bir jyl boiy menimen qaiyrymdylyq sharalarynda iyq tirese jumys isteýge múmkindik alady", - dedi ol.
Foto: uiymdastyrýshylardan
Ótken maýsymnyń jeńimpazy jáne baiqaýdyń jańadan taǵaiyndalǵan kasting-direktory Madina Álmuhanova jaqynda ótken «Álem arýy» baiqaýynan alǵan áserin aityp, ómirinde bolǵan ózgeristerge toqtaldy.
"Bir jyl buryn men ózim baiqaýdyń qatysýshysy boldym jáne qazir qatysýshylardyń qandai emotsionaldyq jáne psihologiialyq qiyndyqtardan ótip jatqanyn jaqsy túsinemin. Men olarǵa kómektesip, qoldaý kórsete alǵanyma qýanyshtymyn", - dedi Madina Álmuhanova.
"Miss Qazaqstan 2024" ulttyq sulýlyq baiqaýynyń grand-finaly 5 jeltoqsanda Queen Almaty meiramhana kesheninde ótedi.
