Qazannyń 13-i kúni ádebiet boiynsha Nobeldiń 2016 jylǵy jeńimpazy belgili bolady. Biyl bul atalym boiynsha 376 jazýshy usynylyp, úmitkerler sany jóninen rekord jasalǵan. Úmitkerler týraly málimet jeńimpaz anyqtalǵanǵa deiin qupiia saqtalatyny sebepti kimniń jeńimpaz atanatynyn aitý múmkin emes. Degenmen, baspasózdegi málimetterge súiene otyryp, «Ádebiet salasynda Nobel syilyǵyn biyl kim ielenýi múmkin?» degen saýal boiynsha negizgi birneshe úmitker týraly aitpaqpyz.
Harýki Mýrakami – japon jazýshysy, aýdarmashy. Harýki Mýrakami kandidattar arasynda birneshe jyl qatarynan úzdik dep tanylǵanymen, syilyqqa áli ie bolǵan joq.
Adonis – siriialyq aqyn, aýdarmashy. 1930 jyly 1 qańtarda Siriiadaǵy Latakada dúniege kelgen. Shyǵarmalaryn arab jáne frantsýz tilderinde sóiletip júr. Siriiadaǵy qiyn ómir týraly ashyq jazatyn sanaýly shyǵarmashylyq ieleriniń biri.
Ngýgi va Thiongo – keniialyq prozashy. Shyǵarmalaryn aǵylshyn jáne kikýiiý tilderinde jazady. 2009 jyly Býker syilyǵyn ielengen. 2010 jáne 2014 jyldary Nobel syilyǵyna nominant.
Filipp Rot – amerikalyq prozashy, 25-ten asa romannyń avtory. Ádebiet salasynda Pýlitser syilyǵynyń iegeri atanǵan.
Ismail Kadare – albaniialyq prozashy ári aqyn. Birneshe jyl qatarynan Nobel syilyǵyna úmitker bolǵanymen, jeńiske jetpedi. Alaida, onyń qorjynynda 2006 jyly jeńip alǵan «Býker» syilyǵy bar.
Sesar Aira – argentinalyq prozashy, aýdarmashy. Óziniń aitýynsha, shyǵarmalaryn óńdemeidi. Birinshi nusqasy boiynsha basylymǵa beretindigimen erekshelenedi.
Iýn Fosse – norvegiialyq aqyn, dramatýrg. Ádebietten sabaq berip, jýrnalistika salasynda qyzmet atqarǵan. Iýn Fosseniń balalarǵa arnalǵan birneshe óleńder jinaǵy bar. Jazýshylyqty «Qyzyl, qara» romanynan bastasa, dramatýrgiia salasyndaǵy alǵashqy eńbegin «Biz eshqashan airylyspaimyz» dep ataǵan.
Avraam B. Iegoshýa – Palestinada týylǵan prozashy, dramatýrg, stsenarist. Shyǵarmalaryna Izrail men palestinalyq turǵyndardyń ómiri arqaý bolǵan.
Peter Nadash – vengriialyq prozashy, dramatýrg, esseist. 1967 jyly «Bibliia» povesimen shyǵarmashylyq jolyn bastaǵan. 2011, 2012 jáne 2013 jyldary Nobel syilyǵyna úmitkerler qatarynda bolǵan.
Amos Oz – Izrailde dúniege kelgen prozashy, saiasi jýrnalist, oqytýshy. 2009 jyly Nobel syilyǵyna usynylǵan úmitkerler arasynda favoritter qatarynda bolǵan. Alaida, 2009 jyly ádebiet salasyndaǵy Nobel syilyǵyn Gerte Miýller jeńip alǵan edi.
