Qazaqstan Respýblikasynyń Memlekettik hatshysy Gúlshara Ábdiqalyqovanyń tóraǵalyǵymen Qazaqstan Respýblikasynyń Ádebiet pen óner salasyndaǵy memlekettik syilyǵyn berý jónindegi komissiianyń otyrysy ótti, dep habarlaidy "Ult aqparat" Aqordaǵa silteme jasap.
Otyrysty ashqan Gúlshara Ábdiqalyqova Memleket basshysy Nursultan Nazarbaevtyń «Uly dalanyń jeti qyry» atty baǵdarlamalyq maqalasyndaǵy «Tól tarihyn biletin, baǵalaityn jáne maqtan etetin halyqtyń bolashaǵy zor bolady dep senemin», degen sózine toqtaldy.
– Syilyq beriletin shyǵarmalarda Otanǵa degen súiispenshilik, memleketshildik ideialary tereń kórinis tabýǵa tiis. El táýelsizdigi, memleketimizdiń qalyptasý men damý kezeńderi, ulttyq tarih, qoǵamdaǵy azamattyq-imandylyq ólshemderimiz joǵary kórkemdik deńgeide kórsetilýi shart, – dedi Memlekettik hatshy.
Komissiia músheleri Mádeniet jáne sport ministri A.Muhamediulynyń iriktelip alynǵan shyǵarmalardyń talqylaný qorytyndysy jónindegi aqparatyn tyńdady.
Komissiia Elbasynyń qaraýyna usynylatyn Qazaqstan Respýblikasynyń ádebiet pen óner salasyndaǵy 2018 jylǵy memlekettik syilyǵy laýreattyǵyna úmitkerlerdi jasyryn daýys berý arqyly anyqtady.
Dástúr boiynsha Memlekettik syilyq laýreattaryn marapattaý rásimi Táýelsizdik kúni qarsańynda ótedi.
.jpeg)