Shved akademiiasy 10 qazanda ádebiet salasy boiynsha Nobel syilyǵynyń byltyrǵy jáne biylǵy laýreattarynyń aty-jónin jariialady.
Ádebiet boiynsha Nobel syilyǵy poliak jazýshysy Olga Tokarchýk jáne Avstriia jazýshysy Peter Handkege berildi.
Piter Handke syilyqty “tildik tapqyrlyqtyń kómegimen shetkeri aimaq pen adam tájiribesiniń erekshelikterin zerttegen yqpaldy jumysy úshin” alsa, Olga Tokarchýkke “shekteýden shyǵý, ómir formasy retinde entsiklopediialyq jalynmen baiandaý qiialynyń sheksizdigi úshin” berilgen.
Aita keteiik, byltyr jynystyq bopsalaý daýynan keiin ádebiet salasy boiynsha Nobel syilyǵy tabystalmaǵan. Shved akademiiasynyń múshesi, aqyn Katarina Frostensonnyń kúieýi fotograf Jan-Klod Arno "bolashaq laýreattardyń esimin aldyn ala jariialady" degen kúdikke ilinip, "jynystyq bopsalaý" baby boiynsha aiyptaldy. Keiinirek eki jylǵa sottaldy.
2018 jyly qarasha aiynda ádebiet boiynsha jańa Nobel komiteti qurylyp, 1 aqpannan bastap jumys istei bastady.
2018 jyly ádebiet boiynsha "Nobel syilyǵyna balama" syilyqty otarlaý dáýirin zerttegen jazýshy Mariz Konde aldy.
Nobel syilyǵyn shved ónertapqyshy ári ónerkásipshi Alfred Nobel taǵaiyndaǵan. Bul syilyq pen onyń bir million dollarǵa jýyqtaityn aqshalai júldesi Alfred Nobel qaitys bolǵan kún - 10 jeltoqsanda tabystalady.
1901 jyldan beri Nobel syilyǵy 590 ret tabystalǵan. Sodan beri 908 adam jáne 27 uiymǵa Nobel syilyǵy berildi.
