شۆەد اكادەميياسى 10 قازاندا ەدەبيەت سالاسى بويىنشا نوبەل سىيلىعىنىڭ بىلتىرعى جەنە بيىلعى لاۋرەاتتارىنىڭ اتى-جٶنٸن جارييالادى.
ەدەبيەت بويىنشا نوبەل سىيلىعى پولياك جازۋشىسى ولگا توكارچۋك جەنە اۆسترييا جازۋشىسى پەتەر حاندكەگە بەرٸلدٸ.
پيتەر حاندكە سىيلىقتى “تٸلدٸك تاپقىرلىقتىڭ كٶمەگٸمەن شەتكەرٸ ايماق پەن ادام تەجٸريبەسٸنٸڭ ەرەكشەلٸكتەرٸن زەرتتەگەن ىقپالدى جۇمىسى ٷشٸن” السا, ولگا توكارچۋككە “شەكتەۋدەن شىعۋ, ٶمٸر فورماسى رەتٸندە ەنتسيكلوپەدييالىق جالىنمەن بايانداۋ قييالىنىڭ شەكسٸزدٸگٸ ٷشٸن” بەرٸلگەن.
ايتا كەتەيٸك, بىلتىر جىنىستىق بوپسالاۋ داۋىنان كەيٸن ەدەبيەت سالاسى بويىنشا نوبەل سىيلىعى تابىستالماعان. شۆەد اكادەميياسىنىڭ مٷشەسٸ, اقىن كاتارينا فروستەنسوننىڭ كٷيەۋٸ فوتوگراف جان-كلود ارنو "بولاشاق لاۋرەاتتاردىڭ ەسٸمٸن الدىن الا جارييالادى" دەگەن كٷدٸككە ٸلٸنٸپ, "جىنىستىق بوپسالاۋ" بابى بويىنشا ايىپتالدى. كەيٸنٸرەك ەكٸ جىلعا سوتتالدى.
2018 جىلى قاراشا ايىندا ەدەبيەت بويىنشا جاڭا نوبەل كوميتەتٸ قۇرىلىپ, 1 اقپاننان باستاپ جۇمىس ٸستەي باستادى.
2018 جىلى ەدەبيەت بويىنشا "نوبەل سىيلىعىنا بالاما" سىيلىقتى وتارلاۋ دەۋٸرٸن زەرتتەگەن جازۋشى ماريز كوندە الدى.
نوبەل سىيلىعىن شۆەد ٶنەرتاپقىشى ەرٸ ٶنەركەسٸپشٸ الفرەد نوبەل تاعايىنداعان. بۇل سىيلىق پەن ونىڭ بٸر ميلليون دوللارعا جۋىقتايتىن اقشالاي جٷلدەسٸ الفرەد نوبەل قايتىس بولعان كٷن - 10 جەلتوقساندا تابىستالادى.
1901 جىلدان بەرٸ نوبەل سىيلىعى 590 رەت تابىستالعان. سودان بەرٸ 908 ادام جەنە 27 ۇيىمعا نوبەل سىيلىعى بەرٸلدٸ.
