Qazaqstanda destrýktivti dini aǵymdardyń erekshe belgilerin qalyń buqaraǵa nasihattap kórsetýge tyiym salynady. Bul týraly búgin Májiliste «QR keibir zańnamalyq aktilerine dini qyzmet jáne dini birlestikter máseleleri boiynsha ózgerister men tolyqtyrýlar engizý» týraly zań jobasyn tanystyrý barysynda QR Din isteri jáne azamattyq qoǵam ministri Nurlan Ermekbaev aitty, dep habarlaidy QazAqparat.
«Destrýktivti dini aǵymdar» jáne «dini radikalizm» atty jańa túsinikter engiziledi. Olardy engizý din salasynda destrýktivti qyzmetti aiqyndaýǵa ári oǵan baǵa berýge múmkindik beriledi. Sonymen qatar usynylyp otyrǵan qujatta destrýktivti dini aǵymdardyń atribýttaryn jáne syrtqy belgilerin paidalanýǵa ári jalpy túrde jariialaýǵa tyiym salý qarastyrylǵan. Bul belgilerdi QR IIM jáne QR UQK-men bizdiń birlesken buiryqpen zańǵa táýeldi aktimen bekitý usynylady», - dep naqtylady Nurlan Ermekbaev.
Osy oraida ministr negizgi nyshandar aldyn ala qarastyrylatynyn atap ótti.
«Ekinshiden, jobada qoǵamdyq oryndarda adamnyń bet ajaryn tanýǵa kedergi jasaityn kiimdi kiiýge tyiym salý usynylǵan», - dedi N. Ermekbaev.
