© Sputnik / Abzal Kaliev
TMD Parlamentaralyq Assambleiasynyń halyqaralyq baqylaýshylary Qazaqstan Konstitýtsiiasyna túzetýler engizý boiynsha referendýmda daýys berý úshin barlyq qajetti jaǵdai jasalǵan dep esepteidi. Bul týraly Sputnik Qazaqstan agenttigi habarlady.
"10-shy sailaý ýchaskesine kelgende jáshikterdegi biýlletender sany ósip jatqanyn kórdik. Barlyq jerde jáshikterdiń tórtten bir bóligi tolǵan. Bul saǵat 12:00 shamasy bolatyn. Iaǵni, halyqtyń belsendi túrde daýys berip jatqany, olardyń sailaý ýchaskelerine úzdiksiz aǵylǵany baiqalady", – dedi Belarýs Respýblikasy Ulttyq jiynynyń Ókilder palatasy turaqty komissiia tóraǵasynyń agrarlyq saiasat jónindegi orynbasary Sergei Kravtsov.
Baqylaýshylar daýys berýshilerdiń kóńil-kúii joǵary jáne bul protseske erekshe qulshynyspen qatysqanyn atap ótti.
"Jastardan bastap qariialarǵa deiin bizge jaqyndap kelip, kim ekenimizdi jáne qaidan kelgenimizdi surap, qyzyǵýshylyq tanytty. Biz de olardyń referendým týraly pikirlerin suradyq. Aýqymdy jumys júrgizilgeni baiqalady", - dedi Kravtsov.
"Adamdar otbasylarymen, ata-analarymen, balalarymen kelip jatty. Jas erli-zaiyptylar da boldy. Olar óz erkimen, senimdi kelip jatty. Ne úshin daýys berip jatqanyn bári jaqsy biledi. Sonymen qatar barlyq sailaý ýchaskesinde tańǵy saǵat 6-7-den bastap jergilikti qoǵamdyq baqylaýshylar júrdi. Biz olardyń barlyǵymen suhbattastyq", - dedi Ózbekstan Olii Majlisi Senatynyń sot-quqyqtyq máseleler jáne sybailas jemqorlyqqa qarsy kúres komiteti tóraǵasynyń orynbasary Shýhrat Chýlliev.
Al Ózbekstan Olii Majlisi zań shyǵarý palatasynyń ónerkásip, qurylys jáne saýda komitetiniń múshesi Ýlýgbek Vafaev referendýmnyń zańǵa jáne halyqaralyq standarttarǵa sáikes ótip jatqanyn basa aitty.
"Referendým halyqaralyq standarttarǵa sai dep basa aita alamyz. Sonymen qatar sailaý men referendýmdy salystyrý durys emes. Sailaýda saiasi kúshterdiń saiasi kúresi bolady. Al referendýmda bir ǵana másele bar. Ol – halyqtyń qalaýy, halyq Konstitýtsiiaǵa ózgerister engizýdi qalaidy ma, joq pa, osy. Kúnniń sońyna qarai halyqtyń qalaýyn bilemiz", - dedi Vafaev.
