Búgin belgili qalamger Aiagúl Mantai ómirden ótti. Biz jazýshynyń áleýmettik jelidegi sońǵy jazbasyn (21 shilde) oqyrman nazaryna usynǵandy jón kórdik...
***
Janyńdy kirletkiń kelmeidi... Jandúnieńdi barynsha taza ustaǵyń keledi... Biraq bar bolǵany pendesiń... Janyń tym názik bolsa, tipti qiyn... Syilap júrgen adamyńnyń aramdyǵyn sezseń, kúirep, synyp ketesiń... Túisigiń myqty bolsa, oiyn sezip qoisań, tipti qiyn...
Jaǵympaz adamdardan qasham... Qaraimyn, olardyń jandúniesinde bir tynyshtyq bar. Olar jaǵympazdyǵyna tipti de arlanbaidy. Jaǵympazdyq qasietimen aqsha jasaidy.
Jarymai júrip, pont jasaityn adamdardan qasham. Jasandylyq kóp... Jasandylyǵy kóp adamǵa pasyqtyq pen aramdyq tán...
Printsipi joq adamdardan qasham... Olar kez kelgen kezde satyp ketedi.
Ýáde berip, oryndamaityn adamdardan qasham. Printsipi joq adam ǵana ýáde berip, oryndamaidy.
Múgedek bolsa da, Qudaiǵa shaǵynbaityn adamdardy bilem. Jandúniesi tap-taza. Biik. Parasatty. Solardyń qasynda rýhani múgedektigińe uialasyń...
Ókinishtisi, adamdar ózine uqsamaǵan adamdy óltirýge, jerleýge asyǵady...
Men ylǵi da júrekke oralýdy, Qudaiǵa oralýdy armandappyn. Biraq oralmappyn...
Ózimniń tap-taza júregimdi, Qudaidy tapqym keledi.
(Bar bolǵany namaz oqysam dep júrgen qyzdyń kóńil-kúii. Eskertem: moral tyńdaǵandy, oqyǵandy unatpaimyn).
Aiagúl Mantai
