Nur-Sultan qalasynda adam saýdasyna qatysty aiypty bolǵan Ózbekstan azamaty ustaldy, dep habarlaidy QazAqparat qalalyq politsiia departamentiniń baspasóz qyzmetine silteme jasap.
«Ustalǵan er adam 2014 jyly Ózbekstannyń 6 azamatyn jalaqysy joǵary jumysqa turǵyzýǵa ýáde berip Qazaqstanǵa alyp keledi. Aiypty Almaty qalasyna jetkende otandastarynyń tólqujatyn tartyp alyp, olardy basqa adamdarǵa tapsyrady. Osylaisha atalǵan 6 azamat 7 ai boiy qiyn jáne aýyr jaǵdaida jumys isteýge májbúr bolǵan. Sondai-aq, ustalǵan azamattyń 2015 jyly adam saýdasy úshin Ózbekstan Respýblikasynda 5 jylǵa bas bostandyǵynan aiyrylǵany belgili boldy», - delingen habarlamada.
Elordalyq politsiia departamentiniń málimitine sáikes, óz elinde bas bostandyǵynan airylǵan azamat 2019 jyly sottyń sheshimimen jazanyń qalǵan bóligin shartty túrde óteý úshin bosatylǵan.
«Merziminen buryn bosatylyp, jazasyn shartty túrde ótep júrgen er adam Qazaqstan Respýblikasynyń aýmaǵyna qashyp ketedi. Tiisinshe oǵan Ózbekstanda izdeý jariialanady.Qazirgi ýaqytta sot sheshimimen er adam qamaýǵa alyndy, ony Ózbekstan Respýblikasyna ekstraditsiialaý máselesi sheshilýde», - dep málimdedi departamentten.
Aita keteiik, atalǵan kúdikti elordada ótip jatqan «Stop trafik» atty jedel-aldyn alý is-sharasy barysynda ustalyp otyr.
Adam saýdasyna qatysty qylmystyń aldyn alý, anyqtaý jáne ashý maqsatyn kózdegen profilaktikalyq shara Nur-Sultan qalasynda 22 qarasha men 1 jeltoqsan aralyǵynda ótedi.
