نۇر-سۇلتان قالاسىندا ادام ساۋداسىنا قاتىستى ايىپتى بولعان ٶزبەكستان ازاماتى ۇستالدى, دەپ حابارلايدى قازاقپارات قالالىق پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
«ۇستالعان ەر ادام 2014 جىلى ٶزبەكستاننىڭ 6 ازاماتىن جالاقىسى جوعارى جۇمىسقا تۇرعىزۋعا ۋەدە بەرٸپ قازاقستانعا الىپ كەلەدٸ. ايىپتى الماتى قالاسىنا جەتكەندە وتانداستارىنىڭ تٶلقۇجاتىن تارتىپ الىپ, ولاردى باسقا ادامدارعا تاپسىرادى. وسىلايشا اتالعان 6 ازامات 7 اي بويى قيىن جەنە اۋىر جاعدايدا جۇمىس ٸستەۋگە مەجبٷر بولعان. سونداي-اق, ۇستالعان ازاماتتىڭ 2015 جىلى ادام ساۋداسى ٷشٸن ٶزبەكستان رەسپۋبليكاسىندا 5 جىلعا باس بوستاندىعىنان ايىرىلعانى بەلگٸلٸ بولدى», - دەلٸنگەن حابارلامادا.
ەلوردالىق پوليتسييا دەپارتامەنتٸنٸڭ مەلٸمٸتٸنە سەيكەس, ٶز ەلٸندە باس بوستاندىعىنان ايرىلعان ازامات 2019 جىلى سوتتىڭ شەشٸمٸمەن جازانىڭ قالعان بٶلٸگٸن شارتتى تٷردە ٶتەۋ ٷشٸن بوساتىلعان.
«مەرزٸمٸنەن بۇرىن بوساتىلىپ, جازاسىن شارتتى تٷردە ٶتەپ جٷرگەن ەر ادام قازاقستان رەسپۋبليكاسىنىڭ اۋماعىنا قاشىپ كەتەدٸ. تيٸسٸنشە وعان ٶزبەكستاندا ٸزدەۋ جارييالانادى.قازٸرگٸ ۋاقىتتا سوت شەشٸمٸمەن ەر ادام قاماۋعا الىندى, ونى ٶزبەكستان رەسپۋبليكاسىنا ەكستراديتسييالاۋ مەسەلەسٸ شەشٸلۋدە», - دەپ مەلٸمدەدٸ دەپارتامەنتتەن.
ايتا كەتەيٸك, اتالعان كٷدٸكتٸ ەلوردادا ٶتٸپ جاتقان «Stop ترافيك» اتتى جەدەل-الدىن الۋ ٸس-شاراسى بارىسىندا ۇستالىپ وتىر.
ادام ساۋداسىنا قاتىستى قىلمىستىڭ الدىن الۋ, انىقتاۋ جەنە اشۋ ماقساتىن كٶزدەگەن پروفيلاكتيكالىق شارا نۇر-سۇلتان قالاسىندا 22 قاراشا مەن 1 جەلتوقسان ارالىعىندا ٶتەدٸ.
