2021 jyldyń 5 aiynda adamdardyń ómiri men densaýlyǵyna qaýip tóndiretin 224 nysannyń jumysy toqtatyldy. Bul týraly Úkimet otyrysynda QR Tótenshe jaǵdailar ministri Iýrii Ilin aitty, dep habarlaidy QazAqparat.
«Ministrlik 230 myńnan astam qaýipti óndiristik nysandyqamtityn 9 157 ónerkásiptik kásiporynǵa memlekettik qadaǵalaýdy júzege asyrady. Qadaǵalaý qyzmetkerler men halyqqa qaýipti óndiristik faktorlardyń ziiandy áserin eskertýge, qaýipti óndiristik nysandar men uiymdarda qoldanylatyn qaýipti tehnikalyq qurylǵylardyń qaýipsizdik talaptaryn saqtaýyna baǵyttalǵan tekserý arqyly júzege asyrylady», - dedi ministr.
Onyń atap ótýinshe, osy jyldyń 5 aiynda erekshe tártippen 418 jáne jospardan tys 271 tekserý júrgizildi.
«Tekserýdiń nátijesinde ónerkásiptik qaýipsizdik talaptaryn buzýdyń 12 777 faktisi anyqtalyp, 40 mln teńgeden astam somaǵa 505 ákimshilik aiyppul salyndy. Adamdardyń ómiri men densaýlyǵyna qaýip tóndiretin ónerkásiptik qaýipsizdik talaptaryn óresken buzǵany úshin 224 nysannyń jumysy toqtatyldy», - dedi Iýrii Ilin.
