2021 جىلدىڭ 5 ايىندا ادامداردىڭ ٶمٸرٸ مەن دەنساۋلىعىنا قاۋٸپ تٶندٸرەتٸن 224 نىساننىڭ جۇمىسى توقتاتىلدى. بۇل تۋرالى ٷكٸمەت وتىرىسىندا قر تٶتەنشە جاعدايلار مينيسترٸ يۋريي يلين ايتتى, دەپ حابارلايدى قازاقپارات.
«مينيسترلٸك 230 مىڭنان استام قاۋٸپتٸ ٶندٸرٸستٸك نىساندىقامتيتىن 9 157 ٶنەركەسٸپتٸك كەسٸپورىنعا مەملەكەتتٸك قاداعالاۋدى جٷزەگە اسىرادى. قاداعالاۋ قىزمەتكەرلەر مەن حالىققا قاۋٸپتٸ ٶندٸرٸستٸك فاكتورلاردىڭ زيياندى ەسەرٸن ەسكەرتۋگە, قاۋٸپتٸ ٶندٸرٸستٸك نىساندار مەن ۇيىمداردا قولدانىلاتىن قاۋٸپتٸ تەحنيكالىق قۇرىلعىلاردىڭ قاۋٸپسٸزدٸك تالاپتارىن ساقتاۋىنا باعىتتالعان تەكسەرۋ ارقىلى جٷزەگە اسىرىلادى», - دەدٸ مينيستر.
ونىڭ اتاپ ٶتۋٸنشە, وسى جىلدىڭ 5 ايىندا ەرەكشە تەرتٸپپەن 418 جەنە جوسپاردان تىس 271 تەكسەرۋ جٷرگٸزٸلدٸ.
«تەكسەرۋدٸڭ نەتيجەسٸندە ٶنەركەسٸپتٸك قاۋٸپسٸزدٸك تالاپتارىن بۇزۋدىڭ 12 777 فاكتٸسٸ انىقتالىپ, 40 ملن تەڭگەدەن استام سوماعا 505 ەكٸمشٸلٸك ايىپپۇل سالىندى. ادامداردىڭ ٶمٸرٸ مەن دەنساۋلىعىنا قاۋٸپ تٶندٸرەتٸن ٶنەركەسٸپتٸك قاۋٸپسٸزدٸك تالاپتارىن ٶرەسكەن بۇزعانى ٷشٸن 224 نىساننىڭ جۇمىسى توقتاتىلدى», - دەدٸ يۋريي يلين.
