Asqar Shákirov QR Parlamenti Senatynyń depýtaty boldy, dep habarlady Aqordanyń baspasóz qyzmeti.
«Memleket Basshysynyń Jarlyqtarymen Qazaqstan Respýblikasy Parlamenti Senatynyń depýtattary bolyp Nurtóre Baitilesuly Júsip pen Asqar Orazalyuly Shákirov taǵaiyndaldy», - delingen habarlamada.
Asqar Orazalyuly Shákirov osyǵan deiin Qazaqstan Respýblikasyndaǵy Adam quqyqtary jónindegi ýákil qyzmetin atqaryp kelgen bolatyn.
Ol Qaraǵandy qalasynda týǵan. M.V.Lomonosov atyndaǵy Máskeý memlekettik ýniversiteti janyndaǵy Aziia jáne Afrika elderi institýtyn, KSRO Ishki ister ministrligi akademiiasynyń adiýnktýrasyn bitirgen. 1978-1987 jyldary - KSRO Ishki ister ministrligi akademiiasynyń adiýnkty, inspektory, aǵa inspektory, ǵylymi qyzmetkeri. 1987-1989 jyldary - KSRO Ishki ister ministrligi syrtqy bailanys bóliminiń, 1989-1992 jyldary - KSRO Ishki ister ministrligi Búkilodaqtyq ǵylymi-zertteý institýty bóliminiń bastyǵy.
1992-1995 jyldary - Qazaqstan Respýblikasy Syrtqy ister ministrliginiń Kelisimshart-quqyq basqarmasy bastyǵynyń orynbasary, basqarma bastyǵy. 1995-1996 jyldary - Qazaqstan Respýblikasynyń Korei Respýblikasyndaǵy Ýaqytsha Senimdi Ókili, 1996 jyly Qazaqstan Respýblikasy Syrtqy ister ministrliginiń Erekshe tapsyrmalar jónindegi Elshisi. 1996-1998 jyldary Qazaqstan Respýblikasy Syrtqy ister ministriniń orynbasary. 1998-2004 jyldary - Qazaqstan Respýblikasynyń Úndistan Respýblikasyndaǵy Tótenshe jáne Ókiletti Elshisi. 2004-2006 jyldary - Qazaqstan Respýblikasy Syrtqy ister vitse-ministri. 2006-2007 jyldary Qazaqstan Respýblikasy Qarjy ministrligi Keden komitetiniń tóraǵasy qyzmetterin atqarǵan.
KSRO-nyń III dárejeli «Za bezýprechnýiý slýjbý» medalimen, Qazaqstan Respýblikasynyń «Astana», «Eren eńbegi úshin», «Qazaqstan Respýblikasynyń táýelsizdigine 10 jyl», «Qazaqstan Respýblikasynyń Parlamentine 10 jyl», «Qazaqstan Konstitýtsiiasyna 10 jyl», «Halyqaralyq áskeri dostastyqty damytqany úshin» medaldarymen, Resei Federatsiiasynyń «Za ýkreplenie tamojennogo sodrýjestva» medalimen, Qyrǵyzstan Respýblikasynyń «Za ýkreplenie tamojennogo sotrýdnichestva» medalimen marapattalǵan.
