اسقار شەكٸروۆ قر پارلامەنتٸ سەناتىنىڭ دەپۋتاتى بولدى, دەپ حابارلادى اقوردانىڭ باسپاسٶز قىزمەتٸ.
«مەملەكەت باسشىسىنىڭ جارلىقتارىمەن قازاقستان رەسپۋبليكاسى پارلامەنتٸ سەناتىنىڭ دەپۋتاتتارى بولىپ نۇرتٶرە بايتٸلەسۇلى جٷسٸپ پەن اسقار ورازالىۇلى شەكٸروۆ تاعايىندالدى», - دەلٸنگەن حابارلامادا.
اسقار ورازالىۇلى شەكٸروۆ وسىعان دەيٸن قازاقستان رەسپۋبليكاسىنداعى ادام قۇقىقتارى جٶنٸندەگٸ ۋەكٸل قىزمەتٸن اتقارىپ كەلگەن بولاتىن.
ول قاراعاندى قالاسىندا تۋعان. م.ۆ.لومونوسوۆ اتىنداعى مەسكەۋ مەملەكەتتٸك ۋنيۆەرسيتەتٸ جانىنداعى ازييا جەنە افريكا ەلدەرٸ ينستيتۋتىن, كسرو ٸشكٸ ٸستەر مينيسترلٸگٸ اكادەميياسىنىڭ اديۋنكتۋراسىن بٸتٸرگەن. 1978-1987 جىلدارى - كسرو ٸشكٸ ٸستەر مينيسترلٸگٸ اكادەميياسىنىڭ اديۋنكتى, ينسپەكتورى, اعا ينسپەكتورى, عىلىمي قىزمەتكەرٸ. 1987-1989 جىلدارى - كسرو ٸشكٸ ٸستەر مينيسترلٸگٸ سىرتقى بايلانىس بٶلٸمٸنٸڭ, 1989-1992 جىلدارى - كسرو ٸشكٸ ٸستەر مينيسترلٸگٸ بٷكٸلوداقتىق عىلىمي-زەرتتەۋ ينستيتۋتى بٶلٸمٸنٸڭ باستىعى.
1992-1995 جىلدارى - قازاقستان رەسپۋبليكاسى سىرتقى ٸستەر مينيسترلٸگٸنٸڭ كەلٸسٸمشارت-قۇقىق باسقارماسى باستىعىنىڭ ورىنباسارى, باسقارما باستىعى. 1995-1996 جىلدارى - قازاقستان رەسپۋبليكاسىنىڭ كورەي رەسپۋبليكاسىنداعى ۋاقىتشا سەنٸمدٸ ٶكٸلٸ, 1996 جىلى قازاقستان رەسپۋبليكاسى سىرتقى ٸستەر مينيسترلٸگٸنٸڭ ەرەكشە تاپسىرمالار جٶنٸندەگٸ ەلشٸسٸ. 1996-1998 جىلدارى قازاقستان رەسپۋبليكاسى سىرتقى ٸستەر مينيسترٸنٸڭ ورىنباسارى. 1998-2004 جىلدارى - قازاقستان رەسپۋبليكاسىنىڭ ٷندٸستان رەسپۋبليكاسىنداعى تٶتەنشە جەنە ٶكٸلەتتٸ ەلشٸسٸ. 2004-2006 جىلدارى - قازاقستان رەسپۋبليكاسى سىرتقى ٸستەر ۆيتسە-مينيسترٸ. 2006-2007 جىلدارى قازاقستان رەسپۋبليكاسى قارجى مينيسترلٸگٸ كەدەن كوميتەتٸنٸڭ تٶراعاسى قىزمەتتەرٸن اتقارعان.
كسرو-نىڭ ٸٸٸ دەرەجەلٸ «زا بەزۋپرەچنۋيۋ سلۋجبۋ» مەدالٸمەن, قازاقستان رەسپۋبليكاسىنىڭ «استانا», «ەرەن ەڭبەگٸ ٷشٸن», «قازاقستان رەسپۋبليكاسىنىڭ تەۋەلسٸزدٸگٸنە 10 جىل», «قازاقستان رەسپۋبليكاسىنىڭ پارلامەنتٸنە 10 جىل», «قازاقستان كونستيتۋتسيياسىنا 10 جىل», «حالىقارالىق ەسكەري دوستاستىقتى دامىتقانى ٷشٸن» مەدالدارىمەن, رەسەي فەدەراتسيياسىنىڭ «زا ۋكرەپلەنيە تاموجەننوگو سودرۋجەستۆا» مەدالٸمەن, قىرعىزستان رەسپۋبليكاسىنىڭ «زا ۋكرەپلەنيە تاموجەننوگو سوترۋدنيچەستۆا» مەدالٸمەن ماراپاتتالعان.
