Adam quqyqtary jónindegi ýákil Elvira Ázimova qańtar tragediiasy boiynsha qamaýǵa alynǵandardyń memleket tarapynan berilgen advokattardyń qyzmet sapasyna kóńili tolmaitynyn aitty, dep habarlaidy QazAqparat.
«Ókinishke qarai, ustaýǵa alynǵan jáne qamalǵan azamattarmen áńgimelesý barysynda memleket kepildik bergen zań kómegin kórsetý aiasynda tartylǵan keibir advokattardyń qorǵaý sapasy týraly shaǵymdar tústi», - dedi Adam quqyqtary jónindegi ýákil «Habar-24» telearnasynda ótken brifingide.
Onyń aitýynsha, atalmysh jaǵdaidy sottar men tergeýshiler isterdi qaraý kezinde eskerýi kerek.
«Mundai kómekke qol jetkizgen azamattardyń kóshiligi óz advokattarynyń aty-jónin, olarmen keri bailanysatyn kontaktilerdi bilmegen. Atap ótsek, zańnamaǵa sáikes, májbúrleý arqyly alynǵan barlyq dálelder jaramsyz bolyp tabylady. Taǵy da qaitalap ótkim keledi, shaǵymmen kelgenderdiń qaita qurban bolýyna jol bermeýimiz kerek», - dedi Elvira Ázimova.
