Qazaqstandaǵy adam quqyqtary jónindegi ýákil Elvira Ázimova qańtar oqiǵasyna bailanysty qamaýda otyrǵan sheteldikterdiń sanyn aitty, - dep habarlaidy QazAqparat.
«Qazirgi tańda jappai tártipsizdikterge bailanysty ýaqytsha ustaý izoliatorlarynda 18 sheteldik azamat bar. Onyń 14-i Ózbekstannyń, ekeýi Reseidiń jáne taǵy ekeýi Qyrǵyzstannyń azamattary», - dedi ýákil.
Sondai-aq, ol qamaýdaǵylardy ustaý jaǵdaiy týraly málimetter aitty.
«6 qańtardan keiingi alǵashqy 48 saǵat ishinde ýaqytynda aýyzsý berilmegen, tamaqty jetkiliszi bergen jaittar anyqtaldy. Ýaqytsha ustaý izoliatorynlarynda adamdardyń barynsha kóptigimen bailanysty problemalar bolǵan. Keiin ahýal retteldi. 10 qańtardan bastap ustalǵandardyń bárine úiden sálemdeme alýǵa ruqsat berildi. Búginde tamaqtaný normativi saqtalyp otyr. Biraq tamaqtyń sapasyna bailanysty birneshe shaǵym bar», - dedi Elvira Ázimova.
