Adam quqyqtary jónindegi ýákil Elvira Ázimova Almatydaǵy aýrýhanadan tergeý izoliatoryna aýystyrylǵan azamattardyń jaǵdaiy týraly málimet berdi, dep habarlaidy QazAqparat.
«Eki kún buryn BAQ-tyń biri 9 qańtarda qylmystyq is qozǵalýyna bailanysty jaralanǵan azamattardy aýrýhanadan Almatynyń tergeý izoliatoryna aýystyrǵany týraly áleýmettik jelige videony jariialady. 25 qańtardaǵy jaǵdai boiynsha qamaýǵa alynǵan 63 azamattyń 29-y aýrýhanalarǵa emdelýge jiberildi», - dedi ol «Habar-24» telearnasynda ótken brifingide.
Sondai-aq, osyǵan uqsas jaittarǵa tap bolǵandar Adam quqyqtary jónindegi ýákilge nemese kezekshi prokýorlarǵa habarlasa alatynyn atap ótti.
«Izoliatordyń meditsinalyq bóliminde qazirgi ýaqytta 12 adam bar. Qalǵan 29 adam ambýlatoriialyq em alýda jáne olarǵa azamattyq dárigerler turaqty bara bastady. Sonymen qatar, keresinshe jaittardy dáleldeitin habarlamalar bolsa, bizge jáne kezekshi prokýrorlarǵa habarlasýyńyzdy ótinemiz», -dedi Elvira Ázimova.
