QR DSM Taýarlar men qyzmetterdiń qaýipsizdigi men sapasyn baqylaý komitetiniń tóraǵasy Timýr Sultanǵaziev kóshede maska taǵý talaptaryn túsindirdi, dep habarlaidy QazAqparat.
«Maska taǵý - aǵzany virýstan qorǵaýdyń bir mehanizmi ekenin túsinýimiz qajet. Jabyq ǵimaratta, iaǵni dúkender men dárihanada, kólik ishinde maska taǵý mindettelgen. Ásirese, aýrý belgisi baiqalǵan adamdardyń qasynda nemese ózińizde qyzý, jótel, túshkirý paida bolsa, mindetti túrde masqa taǵyńyz»- dep atap ótti T. Sultanǵaziev facebook jelisinde ótken onlain brifingte.
Sonymen birge, halyq arasyndaǵy infektsiia kólemin azaitý maqsatynda kóshede de maska taǵý usynylady.
«Dúniejúzilik densaýlyq saqtaý uiymynyń málimdeýinshe, adam 3-5 minýt saiyn betin ustaidy. Bul da COVID-19 juqtyrý qaýpin kúsheitedi. Osyǵan bailanysty, barlyq jastaǵy adamdarǵa kóshede de maska taǵyp júrýge keńes beremiz. Ásirese, kóptegen adamdar maskamen aýzyn jabady da, murnyn ashyq qaldyrady. Maskany 2-3 saǵat saiyn aýystyrmaidy. Árine, maskadan bólek, qol jýý, antiseptikpen súrtý syndy ózge de qaǵidalardy ustanǵan jón», - dedi T. Sultanǵaziev.
