قر دسم تاۋارلار مەن قىزمەتتەردٸڭ قاۋٸپسٸزدٸگٸ مەن ساپاسىن باقىلاۋ كوميتەتٸنٸڭ تٶراعاسى تيمۋر سۇلتانعازيەۆ كٶشەدە ماسكا تاعۋ تالاپتارىن تٷسٸندٸردٸ, دەپ حابارلايدى قازاقپارات.
«ماسكا تاعۋ - اعزانى ۆيرۋستان قورعاۋدىڭ بٸر مەحانيزمٸ ەكەنٸن تٷسٸنۋٸمٸز قاجەت. جابىق عيماراتتا, ياعني دٷكەندەر مەن دەرٸحانادا, كٶلٸك ٸشٸندە ماسكا تاعۋ مٸندەتتەلگەن. ەسٸرەسە, اۋرۋ بەلگٸسٸ بايقالعان ادامداردىڭ قاسىندا نەمەسە ٶزٸڭٸزدە قىزۋ, جٶتەل, تٷشكٸرۋ پايدا بولسا, مٸندەتتٸ تٷردە ماسقا تاعىڭىز»- دەپ اتاپ ٶتتٸ ت. سۇلتانعازيەۆ facebook جەلٸسٸندە ٶتكەن ونلاين بريفينگتە.
سونىمەن بٸرگە, حالىق اراسىنداعى ينفەكتسييا كٶلەمٸن ازايتۋ ماقساتىندا كٶشەدە دە ماسكا تاعۋ ۇسىنىلادى.
«دٷنيەجٷزٸلٸك دەنساۋلىق ساقتاۋ ۇيىمىنىڭ مەلٸمدەۋٸنشە, ادام 3-5 مينۋت سايىن بەتٸن ۇستايدى. بۇل دا COVID-19 جۇقتىرۋ قاۋپٸن كٷشەيتەدٸ. وسىعان بايلانىستى, بارلىق جاستاعى ادامدارعا كٶشەدە دە ماسكا تاعىپ جٷرۋگە كەڭەس بەرەمٸز. ەسٸرەسە, كٶپتەگەن ادامدار ماسكامەن اۋزىن جابادى دا, مۇرنىن اشىق قالدىرادى. ماسكانى 2-3 ساعات سايىن اۋىستىرمايدى. ەرينە, ماسكادان بٶلەك, قول جۋۋ, انتيسەپتيكپەن سٷرتۋ سىندى ٶزگە دە قاعيدالاردى ۇستانعان جٶن», - دەدٸ ت. سۇلتانعازيەۆ.
