Búgin «ADAL» partiiasynan Májilis depýtattyǵyna kandidattar Qazaqstan halqynyń usynys-tilekteri, partiianyń úgit-nasihat jumystarynyń aralyq nátijeleri týraly, sondai-aq Qazaqstannyń jańa Ekologiialyq kodeksinde kórsetilgen mańyzdy ózgerister týraly aitty.
Partiianyń saiasi keńesiniń múshesi, kandidat Oljas Ordabaev partiia júrgizgen aqparattyq-túsindirý jumystarynyń keibir nátijeleri týraly habarlady.
- Búgingi kúni elimizdiń barlyq aimaqtarynda partiia músheleri halyqpen 4216 kezdesý ótkizdi, olarǵa 95 myń adam qatysty. Partiiaǵa múshe bolýǵa 200 myńnan astam ótinish kelip tústi. Bul azamattardyń senim bildirgenin, "ADAL" sailaýaldy baǵdarlamasyn qoldaǵanyn bildiredi, - dedi Oljas Ordabaev.
Turǵyndar kótergen problemalyq máseleler týraly aita otyryp, ol turǵyn úi-kommýnaldyq sharýashylyq salasyndaǵy máselelerdiń ózektiligin atap ótti. «Kóptegen adamdar úshin úide gazdyń, turaqty aýyz sýdyń bolýy - arman», - dedi kandidat.
Onyń aitýynsha, turǵyndardyń eldi mekenderiniń negizgi problemalaryna jumyssyzdyq, baspana jetispeýshiligi, azyq-túlik baǵasynyń ósýi jáne joldyń nasharlyǵy jatady.
«Árbir problemalyq másele bekitilip, ol boiynsha jumys isteledi», - dep sendirdi Oljas Ordabaev.
«ADAL» partiiasynan Májilis depýtattyǵyna kandidat, Tájiribeli ekologtar qaýymdastyǵynyń tóraǵasy Laýra Malikova QR jańa Ekologiialyq kodeksi týraly aitty. Bul «ADAL» partiiasynyń Instagram paraqshasyndaǵy tikelei efir kezinde sóz boldy.
Aita keteiik, L. Malikova — jumys tobynyń múshesi retinde zań jobasyn qaraýǵa qatysqandardyń biri. Jańa Ekologiialyq kodeks osy jumys tobynyń usynystary negizinde jáne Eýropalyq Odaqtyń tájiribesin eskere otyryp ázirlendi. Óitkeni, bul tájiribe birqatar elderde atmosferaǵa shyǵaryndylar kóleminiń naqty aitarlyqtai azaiýyn kórsetetindigimen erekshelenedi.
«Ekologiialyq máseleler - eń mańyzdylardyń biri! Buǵan bizdiń halyqpen kezdesýlerimiz, taldaýymyz dálel. Mysaly, tek Óskemenniń ózinde 8000-nan astam otbasy ekologiialyq jaǵdaidy jaqsartý máselesi eń mańyzdy ekenin atap ótti», - dedi Laýra Malikova.
Onyń aitýynsha, jańa kodeks aýyz sýdyń sapasyn jaqsartýǵa, ónerkásiptik kásiporyndardan atmosferaǵa shyǵaryndylardy azaitýǵa, aýany, qorshaǵan ortany tazartýǵa, sonymen qatar, turǵyndar arasynda aýrýshańdyqty azaitýǵa kómektesedi. Bul qujat, spiker atap ótkendei, "jasyl" tehnologiialardyń damýyna serpin beredi.
Jalpy, ekolog elimizdegi ekologiiany jaqsartý «ADAL» partiiasynyń sailaýaldy baǵdarlamasynyń basym mindetteriniń biri ekenin atap ótti.
Aita keteiik, 2013 jyly Qazaqstanda «Birlik» saiasi partiiasy quryldy. Partiia tóraǵasy - Serik Sultanǵali.
2020 jyldyń 5 qarashasynda «Birlik» óz ataýyn «ADAL» dep ózgertti (qaz. «Adal» - «adaldyq»).
