«ADAL» partiiasynyń tóraǵasy Serik Sultanǵali partiianyń AMANAT-qa qosylý sheshimin túsindirdi, dep habarlaidy QazAqparat tilshisi.
«ADAL partiiasynyń AMANAT-qa qosylýy maǵan da ońai emes. Biraq biz buǵan qatysty egjei-tegjeili oilandyq. Keshe Memleket basshysynyń Joldaýyn tyńdaýǵa da qatystyq. Sosyn biz biraýyzdan osy sheshimge keldik. Jasyratyny joq, AMANAT partiiasyn barlyǵy qoldaidy. Áleýmettik sanat ta burynnan osy partiiany biledi, qoldaidy», - dedi S. Sultanǵali partiianyń sezinde.
Onyń aitýynsha, oblystardyń filialdarynda da otyrys ótkizip, bul sheshimdi qoldady. Bastapqyda túsinbeýshilik te bolǵan eken.
«Biraq talqylaityn eshqandai sebep joq. AMANAT-qa qosylý arqyly áleýetimizdi arttyra túsemiz. Ol partiiaǵa qosylý partiiamyzdyń baǵdarlamasyndaǵy maqsatqa jetýge tezirek múmkindik beredi. Sebebi ADAL -dyń usynystary jetkilikti. Biz aqylmen kele jatqan partiiamyz. Bizdiń bedelimiz eshqashan túspeidi. Halyq bizdi túsinedi. Birigý qajet. Qazir partiia ashýǵa jeńildikter berilip jatyr. Saiasi reforma dep osyny aitady. El Prezidenti zańdarǵa ózgeris engizýdi de aitty. AMANAT partiiasynyń quramynda biz belsendi jumysty atqara beremiz», - dedi Serik Sultanǵali,
Onyń paiymynsha, partiialar birlesip odan ári kúsheie túsedi.
Budan buryn habarlanǵandai, jaqynda ADALpartiiasynyń Saiasi keńesi prezidenttik Amanat partiiasyna qosylý týraly sheshim qabyldady.
