«ADAL» پارتيياسىنىڭ تٶراعاسى سەرٸك سۇلتانعالي پارتييانىڭ AMANAT-قا قوسىلۋ شەشٸمٸن تٷسٸندٸردٸ, دەپ حابارلايدى قازاقپارات تٸلشٸسٸ.
«ADAL پارتيياسىنىڭ AMANAT-قا قوسىلۋى ماعان دا وڭاي ەمەس. بٸراق بٸز بۇعان قاتىستى ەگجەي-تەگجەيلٸ ويلاندىق. كەشە مەملەكەت باسشىسىنىڭ جولداۋىن تىڭداۋعا دا قاتىستىق. سوسىن بٸز بٸراۋىزدان وسى شەشٸمگە كەلدٸك. جاسىراتىنى جوق, AMANAT پارتيياسىن بارلىعى قولدايدى. ەلەۋمەتتٸك سانات تا بۇرىننان وسى پارتييانى بٸلەدٸ, قولدايدى», - دەدٸ س. سۇلتانعالي پارتييانىڭ سەزٸندە.
ونىڭ ايتۋىنشا, وبلىستاردىڭ فيليالدارىندا دا وتىرىس ٶتكٸزٸپ, بۇل شەشٸمدٸ قولدادى. باستاپقىدا تٷسٸنبەۋشٸلٸك تە بولعان ەكەن.
«بٸراق تالقىلايتىن ەشقانداي سەبەپ جوق. AMANAT-قا قوسىلۋ ارقىلى ەلەۋەتٸمٸزدٸ ارتتىرا تٷسەمٸز. ول پارتيياعا قوسىلۋ پارتييامىزدىڭ باعدارلاماسىنداعى ماقساتقا جەتۋگە تەزٸرەك مٷمكٸندٸك بەرەدٸ. سەبەبٸ ADAL -دىڭ ۇسىنىستارى جەتكٸلٸكتٸ. بٸز اقىلمەن كەلە جاتقان پارتييامىز. بٸزدٸڭ بەدەلٸمٸز ەشقاشان تٷسپەيدٸ. حالىق بٸزدٸ تٷسٸنەدٸ. بٸرٸگۋ قاجەت. قازٸر پارتييا اشۋعا جەڭٸلدٸكتەر بەرٸلٸپ جاتىر. ساياسي رەفورما دەپ وسىنى ايتادى. ەل پرەزيدەنتٸ زاڭدارعا ٶزگەرٸس ەنگٸزۋدٸ دە ايتتى. AMANAT پارتيياسىنىڭ قۇرامىندا بٸز بەلسەندٸ جۇمىستى اتقارا بەرەمٸز», - دەدٸ سەرٸك سۇلتانعالي,
ونىڭ پايىمىنشا, پارتييالار بٸرلەسٸپ ودان ەرٸ كٷشەيە تٷسەدٸ.
بۇدان بۇرىن حابارلانعانداي, جاقىندا ADALپارتيياسىنىڭ ساياسي كەڭەسٸ پرەزيدەنتتٸك Amanat پارتيياسىنا قوسىلۋ تۋرالى شەشٸم قابىلدادى.
