Búgin «Adal» saiasi partiiasynyń kezekten tys VII sezinde Májilis depýtattyǵyna kandidattardyń tizimi bekitildi, dep habarlaidy "Ult aqparat".
«Bizdiń tizimge ár saladan belgili azamattar kirdi. Májilis depýtattyǵyna usynylyp otyrǵan tizimde 20 adam bar. Óńirlik, genderlik jáne basqa da tepe-teńdikti saqtaýǵa tyrystyq. Biz usynyp otyrǵan 20 adamnyń 10-y saiasi keńestiń múshesi», - dedi «Adal» saiasi partiiasy saiasi keńesiniń múshesi Murat Qojamqulov.
Sonymen «Adal» saiasi partiiasy Májilis depýtattyǵyna usynǵan tizimge myna kandidattar kirdi:
1. Serik Sultanǵali - «Adal» partiiasynyń tóraǵasy;
2. Eldar Jumaǵaziev – memleket jáne qoǵam qairatkeri, birqatar bilim jáne áleýmettik jobalardyń avtory, ekonomist, saiasattanýshy;
3. Ardaq Nazarov - belgili sportshy, qoǵam belsendisi;
4. Maqsat Tolyqbai - belgili telejýrnalist, «Ashyq alań» telejobasynyń júrgizýshisi, Maltabu.kz saitynyń avtory;
5. Almasbek Sadyrbaev - «Shopan Ata» Qazaqstan qoi ósirýshileri qaýymdastyǵynyń tóraǵasy;
6. Dáýlet Muqaev - telejýrnalist, qoǵam belsendisi;
7. Oljas Ordabaev - «Atameken» ulttyq kásipkerler palatasy tóraǵasynyń orynbasary, bilim berý salasynyń sarapshysy;
8. Jigýli Dairabaev - «Qazaqstan fermerler odaǵy» respýblikalyq qoǵamdyq birlestiginiń prezidenti»;
9. Nurlybek Malelov - qarjyger, memleket qairatkeri;
10. Ǵalymbek Jaqsylyqov – qoǵam qairatkeri, Qyzylorda oblysynyń belsendi turǵyny;
11. Laýra Malikova – «Tájiribeli ekologtar qaýymdastyǵynyń» tóraǵasy;
12. Igor Shatskii – kásipkerler quqyǵyn qorǵaý jónindegi sarapshy;
13. Alina Abdrahmanova - biznes-bilim berý salasyn basqarý jónindegi maman, sarapshy;
14. Haliola Akdrashev – kásipker;
15. Liazzat Chinkisbaeva - «Meniń Atamekenim» áleýmettik qorynyń tóraǵasy;
16. Murat Qojamqulov – partiianyń Nur-Sultan qalalyq filialynyń tóraǵasy;
17. Ǵani Abadan - partiianyń Almaty qalalyq filialynyń tóraǵasy;
18. Timýr Ábdikárimov – partiianyń Mańǵystaý oblastyq filialynyń tóraǵasy;
19. Aqmaral Bekmurzaeva - biznes-trener, kásipker;
20. Ánýar Kerembaev – ekonomika sarapshysy.
