© Sputnik / Vladislav Vodnev
Adal partiiasy Amanat-qa qosyldy. Basqarýshy partiianyń kezekten tys sezinde osyndai sheshim qabyldandy, dep habarlaidy Sputnik Qazaqstan.
Partiianyń kezekten tys XXIII sezi onlain rejimde ótti. Oǵan barlyq aimaqtyń delegattary qatysty. Prezident Qasym-Jomart Toqaev ta Aqordadan onlain bailanys arqyly qosyldy.
Partiia hatshysy Ashat Oralovtyń aitýynsha, Adal partiiasynyń quramynda belsendi jastar kóp.
"Sondyqtan Adal partiiasynyń qosylýy Amanat-tyń jastar qanatynyń áleýetin arttyrady", - dedi Oralov.
Partiia tóraǵasy Qasym-Jomart Toqaev jyl basynan beri úshinshi ret jinalyp otyrǵanyn jetkizdi. Aldaǵy konstitýtsiialyq reforma aiasynda saiasi uiymǵa úlken úmit artylyp otyrǵanyn erekshe atap ótti.
"Jańa Qazaqstandy quramyz desek, elge janashyr qoǵamdyq-saiasi kúshterdiń bári jumylýy kerek. Bul rette partiialardyń ózara til tabysyp, saiasi júieni damytýy asa mańyzdy. Sondyqtan Adal partiiasynyń bastamasyn qoldap, onymen birikken jón dep sanaimyn. Adal - óz jaqtastary bar qalyptasqan partiia. Saiasi báseke artyp kele jatqan qazirgi kezeńde munyń airyqsha máni zor", - dedi Toqaev.
Prezident osy mańyzdy qadam Amanat partiiasyn jańǵyrtyp, kúsheite túsýge septigin tigizedi degen oiyn bildirdi.
