© Sputnik / ۆلاديسلاۆ ۆودنەۆ
Adal پارتيياسى Amanat-قا قوسىلدى. باسقارۋشى پارتييانىڭ كەزەكتەن تىس سەزٸندە وسىنداي شەشٸم قابىلداندى, دەپ حابارلايدى Sputnik قازاقستان.
پارتييانىڭ كەزەكتەن تىس XXIII سەزٸ ونلاين رەجيمدە ٶتتٸ. وعان بارلىق ايماقتىڭ دەلەگاتتارى قاتىستى. پرەزيدەنت قاسىم-جومارت توقاەۆ تا اقوردادان ونلاين بايلانىس ارقىلى قوسىلدى.
پارتييا حاتشىسى اسحات ورالوۆتىڭ ايتۋىنشا, Adal پارتيياسىنىڭ قۇرامىندا بەلسەندٸ جاستار كٶپ.
"سوندىقتان Adal پارتيياسىنىڭ قوسىلۋى Amanat-تىڭ جاستار قاناتىنىڭ ەلەۋەتٸن ارتتىرادى", - دەدٸ ورالوۆ.
پارتييا تٶراعاسى قاسىم-جومارت توقاەۆ جىل باسىنان بەرٸ ٷشٸنشٸ رەت جينالىپ وتىرعانىن جەتكٸزدٸ. الداعى كونستيتۋتسييالىق رەفورما اياسىندا ساياسي ۇيىمعا ٷلكەن ٷمٸت ارتىلىپ وتىرعانىن ەرەكشە اتاپ ٶتتٸ.
"جاڭا قازاقستاندى قۇرامىز دەسەك, ەلگە جاناشىر قوعامدىق-ساياسي كٷشتەردٸڭ بەرٸ جۇمىلۋى كەرەك. بۇل رەتتە پارتييالاردىڭ ٶزارا تٸل تابىسىپ, ساياسي جٷيەنٸ دامىتۋى اسا ماڭىزدى. سوندىقتان Adal پارتيياسىنىڭ باستاماسىن قولداپ, ونىمەن بٸرٸككەن جٶن دەپ سانايمىن. Adal - ٶز جاقتاستارى بار قالىپتاسقان پارتييا. ساياسي بەسەكە ارتىپ كەلە جاتقان قازٸرگٸ كەزەڭدە مۇنىڭ ايرىقشا مەنٸ زور", - دەدٸ توقاەۆ.
پرەزيدەنت وسى ماڭىزدى قادام Amanat پارتيياسىن جاڭعىرتىپ, كٷشەيتە تٷسۋگە سەپتٸگٸن تيگٸزەدٸ دەگەن ويىن بٸلدٸردٸ.
