Foto: Aqorda
Abzal Núkenov Almaty qalasy ákiminiń orynbasary bolyp taǵaiyndaldy. Ol buǵan deiin Prezident ákimshiligindegi qyzmetinen bosatylǵan, dep habarlaidy ákiminiń keńesshisine silteme jasap Ult.kz.
Ilzat Akchýrinniń Telegram arnasynda jazýynsha, Abzal Núkenov qyzmetke Prezident ákimshiliginiń kelisimi boiynsha qala basshysy Darhan Satybaldynyń ókimimen taǵaiyndaldy.Ol endi ishki saiasat, mádeniet, sport, bilim berý, jastar saiasaty jáne din máselelerin qadaǵalaityn bolady.
Abzal Núkenov 1978 jylǵy 21 shildede Jetisý oblysynda dúniege kelgen. Ál-Farabi atyndaǵy Qazaq ulttyq ýniversitetin támamdaǵan. Saiasi ǵylymdar kandidaty.
Eńbek jolyn 2000 jyly bastaǵan. Almaty qalasynyń Ishki saiasat departamentinde jumys istegen, Áýezov aýdany ákiminiń orynbasary qyzmetin atqarǵan.
Ár jyldary Qaýipsizdik keńesiniń Jaǵdailyq ortalyǵyn basqarǵan, Din isteri jáne azamattyq qoǵam ministriniń orynbasary, Qaraǵandy oblysy ákiminiń orynbasary bolǵan, sondai-aq Qazaqstan Respýblikasy Prezidenti Ákimshiliginde basshylyq qyzmetter atqarǵan.
Búginge deiin Qazaqstan Respýblikasy Prezidenti Ákimshiliginiń Ishki saiasat bóliminiń meńgerýshisi qyzmetin atqaryp keldi.
