Beijiń Olimpiadasynda short-trekten 500 metrge júgirýden erler arasyndaǵy jeńimpazdar men júldegerler anyqtaldy, dep habarlaidy "Ult aqparat" Olympic.kz saityna silteme jasap.
Finaldyq synda qazaqstandyq Abzal Ájiǵaliev ta óner kórsetken bolatyn. Aqtyq básekede ol máre syzyǵyn tórtinshi bop kesip, júldege synyq súiem jerden toqtady.
Atalǵan qashyqtyqta altyn júldeni - Vengriia, kúmisti - Resei, qolany Kanada sportshysy ielengen.
Aita keteiik, Abzal - qysqa qashyqtyqtarǵa júgirýden álem kýboginiń jeńimpazy ári birneshe dúrkin júldegeri. Ol Sochi jáne Phchenchhan Olimpiadalaryna qatysyp, A finalyna alǵash ret Beijiń oiyndarynda shyqqan bolatyn.
Ázirge Ájiǵaliev qazaqstandyq short-trekshilerdiń Olimpiadadaǵy eń iri jetistigin tirkep otyr. Buǵan dein otandyq short- trek sheberleri Olimpiadada tórttikke engen emes.
Sondai-aq, osyǵan deiin Ádil Ǵaliahmetov 1500 metrge jarysýdan finalda baq synap, segizinshi oryn alǵan bolatyn.
