Bokstan Qazaqstan komandasynyń kapitany Abylaihan Júsipov kásipqoi boksqa aýysty. Bul týraly sportshynyń ózi málimdedi, - dep habarlady Olympic.kz.
"Bul sheshimdi álem chempionatynan keiin qabyldadyq. Áýesqoi bokstan túbegeili kettim demeimin. Bas bapkerge habarlasyp, ruqsatyn aldym. Aldaǵy ýaqytta iri jarystar qarsańynda ulttyq quramamen jattyǵatyn josparym bar", - deidi Júsipov.
Abylaihan Júsipov bokstan álem chempionatynyń eki dúrkin qola júldegeri. Rio jáne Tokio Olimpiadalarynyń qatysýshysy.
Serbiiadaǵy álem chempionatyna Abylaihan komanda kapitany retinde qatysqan bolatyn.
