Elordada salynyp jatqan «Abý-Dabi Plazadaǵy» janjaldy mas úndistandyq shyǵardy. Bul jaiynda QR Ishki ister ministrligi Memlekettik til jáne aqparat departamentiniń direktory Almas Sadýbaev málim etti, dep habarlaidy QazAqparat.
«Qurylys jumystary júrip jatqan «Abý-Dabi Plaza» kesheni aýmaǵynda, saǵat 20-35-te Úndistannan kelgen jumysshylar men qazaqtar arasynda shaǵyn janjal shyqty. Janjal Úndistannan kelgen mas jumysshyny kúzetshi nysan aýmaǵyna kirgizýden bas tartqannan keiin týyndaǵan. Osydan keiin ol otandastaryn shaqyryp, olar kúzetshini soqqyǵa jyqqan. Jergilikti jumysshylar kúzetshige bolysyp, sonyń saldarynan tóbeles týyndap, oǵan shamamen 30 adam qatysqan. Oqiǵa ornyna Úndistannyń Qazaqstandaǵy elshisi, jergilikti bilik jáne kompaniia ókilderi», - keldi dedi Almas Sadýbaev.
Onyń aitýynsha, ishki ister organdary odan ary tártipsizdikterge jol bermeý jáne ahýaldy turaqtandyrýǵa baǵyttalǵan keshendi sharalar júrgizgen. «Qala turǵyndaryn arandatýshylyqqa boi aldyrmaýǵa, oilanbastan shalt qimyldarǵa barmaýǵa, naqty emes aqparattar men san túrli alyp-qashpa áńgimelerge senbeýge shaqyramyz. Jaǵdai tolyqtai sheshildi jáne politsiianyń baqylaýynda», - dedi departament basshysy.
