Astana qalasynyń basshylyǵy QR-daǵy BAÁ Tótenshe jáne Ókiletti elshisi jáne «Arabtec Holding PJSC» kompaniiasynyń basshylyǵymen («Ábý-Dabi Plaza» kesheniniń bas merdigeri) kezdesti, dep habarlaidy "Ult aqparat" Elorda ákimdiginiń resmi saityna silteme jasap.
Kezdesý 2017 jyldyń 2 qyrkúiek kúni «Ábý-Dabi Plaza» qurylys alańyndaǵy baqylaý-ótkizý pýnktinde oryn alǵan jaǵdaiǵa qatysty boldy.
«Arabtec Holding PJSC» kompaniiasynyń basshylyǵy aldaǵy kúnderi 61 sheteldik jumysshy (Úndistan azamattary) «Ábý-Dabi plaza» qurylys alańynda tártip pen qoǵamdyq jaǵdaidy buzǵany úshin elden shyǵarylady, onyń ishinde 23 adam bir táýlikte otanyna oralady dep habarlady.
Áńgime barysynda qala basshylyǵy mundai jaǵdaidyń qaitalanbaýyn eskertti jáne sheteldikterden Qazaqstan Respýblikasynyń Zańyna baǵynyp, moraldyq-ádep tártibi normalaryn saqtaýdy, sondai-aq Qazaqstan halqynyń saltyna syilastyqpen qaraýdy talap etti.
