«Ábý-Dabi Plaza» kesheniniń qurylysynda qazaqstandyqtar úshin 2 myń turaqty jumys orny qurylady. Onymen birge jergilikti kadrdy daiarlaý boiynsha arnaiy baǵdarlamany ázirleý jóninde kelesimge qol jetkizildi, dep habarlady elordalyq ákimdiktiń media ortalyǵy.
Kezdesý barysynda «Arabtec Holding PJSC» kompaniiasynyń basshylyǵy «Abý-Dabi Plaza» kesheniniń qurylysy aiaqtalǵan soń, Qazaqstan azamattary úshin 2 myń jańa turaqty jumys orny qurylatynyn habarlady.
Taraptar «Abý-Dabi Plaza» nysanynda jumysqa ie bola alatyn jergilikti kadrdy daiarlaý boiynsha arnaiy baǵdarlama ázirleý jóninde kelisimge keldi.
«Ábý-Dabi Plaza» kesheniniń jobasyn iske asyrýǵa 17 myńnan astam qazaqstandyq qatysty, olardyń 9,5 myńy biliktiligi joǵary qyzmetkerler - injenerler, munaraly kran operatorlary, qaýipsizdik tehnikasy boiynsha mamandar.
Qazirgi ýaqytta qurylysqa 3,5 myń qazaqstandyq azamat tartylǵan.
Jobanyń iske asýyna usynylyp otyrǵan 267 kompaniiamen AQSh, Kanada, Ulybritaniia, Frantsiia, Ispaniia, Irlandiia, Resei, Ýkraina syndy 43 eldiń azamattary qatysýda.
Aita keteiik, «Ábý-Dabi Plaza» kesheniniń qurylysy 2012 jyly bastalǵan bolatyn. Joba boiynsha investitsiia kólemi 1,6 mlrd AQSh dollaryn quraidy. Qurylys halyqaralyq standart jáne jańa qurylys tehnologiialary boiynsha júrgizilýde.
