Keshe Astanadaǵy eń biik ǵimaratty salyp jatqan 400-ge jýyq adam bir kúnde jumyssyz qaldy. Osyǵan qatysty QR Eńbek jáne áleýmettik damý ministri Tamara Dúisenova Úkimet otyrysynan keiin bergen suhbatynda túsinikteme berdi, dep habarlaidy "Ult aqparat" Baq.kz-ke silteme jasap.
Ministrdiń málimetinshe, «Abý-Dabi Plaza» qurylys kesheninde 4 kompaniia jumysshylary jumystan shyǵarylǵan. Al, keshende barlyǵy 11-den astam kompaniia jumys isteidi.
«Eńbek zańnamasyna sáikes, jumys berýshiler eńbek shartynda «mynadai ýaqytqa jumysqa tartylady» dep kórsetiledi. «Abý-Dabi Plazadaǵy» tórt mekeme óz jumystarynyń ýaqytyn belgilep, «osy ýaqytta jumys aiaqtalady» dep kórsetken. Qazirgi ýaqytta sol kompaniialardyń bizdiń eńbek inspektorlaryna bergen aqparaty boiynsha, keibir kompaniiada jumystyń aiaqtalǵanyna bailanysty ár jumyskerge, shartqa qol qoiylǵan qyzmetkerge tiisti aqpar berilgen», - dedi Tamara Dúisenova.
Dúisenovanyń aitýynsha, keshe Astana qalasynyń eńbek inspektorlary «Abý-Dabi Plaza» qyzmetkerlerimen jáne jumyskerlerimen sóilesip, jumys istegen azamattardyń qoldaryna jumystyń aiaqtalǵany týraly eskertý hat berilýi, bir ailyq eńbekaqynyń ótemaqy túrinde berilýi jóninde kelisimge keldi. Barlyǵy 4 kompaniiadan 62 jumysshy eskertý hat alýy tiis.
Ministr ótemaqy jaily da anyqtap ótti. Onyń aitýynsha, Eńbek kodeksinde kásiporynnyń ekonomikalyq ahýaly nasharlaýynan jumysshylar jappai jumystan shyqsa, onda eki ailyq jalaqy kóleminde ótemaqy qarastyrylǵan. Eger, jumys kóleminiń azaiýyna bailanysty jáne bul týraly jumysshymen kelisimshart bekitken kezde kelisilgen bolsa, onda bul belgilengen jumys kólemi atqaryldy dep esepteledi jáne ótemaqy retinde bir ailyq jalaqy tólenedi.
Degenmen, jumysshylardyń málimetinshe, qurylys kompaniialary olarǵa aldyn ala eskertý jasamaǵan jáne ótemaqy tólemeitinderin ashyq aitqan.
