Qashyp júrgen oligarh Muhtar Ábliazov pen onyń sybailastaryna qatysty is sotqa joldandy, - dep habarlaidy kaz.tengrinews.kz tilshisi Almaty prokýratýrasynyń ókilderine silteme jasap.
3 naýryzda prokýrorlar Ábliazovqa, J.Jarymbetovqa, K.Sadyqovqa jáne S.Mámeshke qatysty aiyptaý aktisin bekitti.
Aiyptaý aktileri qylmystyq protsestiń barlyq qatysýshysyna, sonyń ishinde Muhtar Ábliazovtiń qorǵaýshysyna berilgen.
"M.Ábliazovtiń ózi Qazaqstan Respýblikasynan tys jerde jáne shaqyrtýdan jaltarǵan, osyǵan bailanysty prokýratýra osy habarlamany qylmystyq istiń sotqa joldanǵanyn jariialaidy", - delingen prokýratýra relizinde.
Osyǵan deiin Muhtar Ábliazov pen onyń Qazaqstandaǵy sybailastaryna qatysty sotaldy tergeý aiaqtalǵany habarlanǵan edi. "Aldyn ala tergeý jan-jaqty, tolyq ári ádil ótti, dáleldeýge jatatyn barlyq jaǵdai anyqtaldy", - delingen edi Sybailas jemqorlyqqa qarsy is-qimyl ulttyq biýrosynyń baspasóz qyzmetiniń habarlamasynda.
Aita keteiik, Ábliazovqa qylmystyq top quryp, oǵan basshylyq etti, BTA Bankiniń qarajatyn jymqyrdy jáne jekeshelendirdi, bank qarajatyn zańsyz qoldandy jáne qyzmettik ókilin asyra paidalandy degen kúdik kelip otyr.
Jalpy shyǵyn somasy - 7,5 milliard AQSh dollary.
"Tergeýden jymqyrylǵan qarajattyń halyqtyń zeinetaqy jinaǵy ekeni, Qazaqstan azamattarynyń jeke jinaǵy ekeni jáne sheteldik qarjy institýttarynyń qaryzy ekeni naqtyly anyqtaldy", - delingen Ulttyq biýronyń habarlamasynda.
Sonymen birge, habarlamada BTA Bankiniń qaryzyn óteý boiynsha mindetti memlekettiń óz moinyna alǵany aitylǵan.
Eske sala keteiik, 2017 jyldyń 2 aqpanynda QR Sybailas jemqorlyqqa qarsy is-qimyl ulttyq biýrosy jaýap alý úshin Muhtar Ábliazovti Astanaǵa shaqyrǵan bolatyn. "QR Sybailas jemqorlyqqa qarsy is-qimyl ulttyq biýrosy "BTA Bank" AQ burynǵy top-menedjmenti M.Q.Ábliazovqa, J.D.Jarymbetovke jáne ózgelerge qatysty qylmystyq istiń sotaldy tergeýin jalǵastyryp jatyr. Tergeý barysynda Antikorrýptsiia qyzmeti Ábliazov pen onyń sybailastarynyń zańsyz áreketteriniń qosymsha dálelderin tapty. Bankten qarajatty jymqyrýdyń jańa nusqalary ashyldy. Anyqtalǵan derekter Ábliazovtiń qylmystyq uiym quryp, oǵan basshylyq etken degen qosymsha kúdik kelip otyr. Onyń ishinde birqatar uiymdasqan qylmystyq top kiredi, top Qazaqstan territoriiasynda da, shetelde de áreket etken", - delingen edi vedomstvo habarlamasynda.
