Pavlodar oblysynyń ákimi Ábilqaiyr Sqaqov óńirdegi koronavirýs infektsiiasyn juqtyrý tizbegin úzý úshin epidemiologiialyq zertteý barynsha sapaly ári jyldam júrgiziletinin málim etti, dep habarlaidy "Ult aqparat".
«Pavlodar oblysy «qyzyl aimaqta» turǵandyqtan óńirdegi epidemiologiialyq ahýal týraly aityp óteiin. Keshe óńirde koronavirýs juqtyrǵan 110 adam tirkeldi. Aidyń basynda óńirdiń «qyzyl aimaqqa» alǵash ret enýine shetelden kelgen naýqastardyń da yqpaly boldy. Oblysymyz Reseidiń koronavirýs jailaǵan úsh aimaǵymen shektesedi. Qazan aiynyń basynan osy baǵyttaǵy shekaralyq beketter arqyly bizge 34 myńǵa jýyq adam kirdi. Qarasha aiynda engizilgen qosymsha shekteý Reseiden keletin adamdar legin sáikesinshe koronavirýstyń osy jaqtan tasymaldaný faktisin edáýir azaitty», - dedi Ábilqaiyr Sqaqov OKQ-da ótken baspasóz máslihatynda.
Aimaq basshysynyń aitýynsha koronavirýs juqtyrýdyń negizi bóligi - naýqastarmen tikelei bailanysqa túskendar.
«Sondyqtan biz infektsiiany juqtyrý tizbegin úzý úshin epidemiologiialyq zertteýdi barynsha sapaly ári tez jasaityn bolamyz. Óńirdegi ahýal shielenisip tur. Degenmen densaýlyq saqtaý júiesin materialdyq-tehnikalyq jáne kadrlyq bazasyn áldeqaida nyǵaitýdyń arqasynda jaǵdaidy baqylaýda ustaýǵa múmkindik bar», - dedi ol.
Ákim bergen esepke sáikes, oblystaǵy aýrýhanalardaǵy jalpy tósek qory men jansaqtaý bólimderindegi oryn kóbeitilip, statsionarlar barynsha jabdyqtalǵan. Ottegi núkteleriniń sany alty ese artyp, dári-dármektiń jetkilikti qory jinalǵan. Meditsinalyq qyzmetkerler rezervi 600 adamǵa jetken.
