Burynǵy depýtat Aqbope Ábilqasymova Májilis depýtattaryn qatań synǵa aldy dep habarlaidy "Ult Aqparat" kaztag.kz -ke silteme jasap.
"Májilis otyrystarynan birneshe video kórdim. Depýtattardyń jańalary da, eski Qazaqstannan kelgender de óte emotsionaldy sóileidi. Ministrlerdiń esepteri nemese olardyń zań jobalaryn usynýy, mysaly jaqynda ǵana qala qurylysy kodeksi boiynsha boldy. Depýtattyq komissiianyń keńeitilgen otyrysynyń videosyn kórdim, onda Májilistiń tóraǵalyq etýshi depýtaty Mels Eleýsizovtyń sózin óreskel kesip tastaidy", - dep jazady Facebook-te Aqbope Ábilqasymova.
Ol depýtattar etikalyq kodekske baǵynýlary kerek, al otyrysta bolǵan oqiǵalar dórekilik pen ádepsizdik dep aitty.
"Depýtattar zań shyǵarýshy bilik ókilderi bolsa, ministrler atqarýshy bilik ókilderi ekenin túsiný kerek. Biliktiń eki tarmaǵy da teń. Qazir kóptegen ministrler birneshe merzim depýtat bolǵandarǵa qaraǵanda bilikti. Depýtattar ministrlerdi halyqtyń jaýy retinde kórsetýge tyrysatyn siiaqty nemese jumys istep jatqan túr tanytyp, kameraǵa oinaityn tárizdi. Nelikten túr tanytady? Óitkeni olar aiqailaidy, daýlasady, biraq sońynda quptap daýys beredi. Sonymen birge olar halyqty bilikke jáne ózderine qarsy qoiady. Meniń oiymsha, bárine pozitsiialaryna sáikes ózlerin ustaýdy úirenetin ýaqyty keldi, emotsiialardy áldeqaida sypaiy túrde kórsetýge bolady. Siz halyqqa qandai úlgi kórsetesiz? Dórekilikti qalypty jaǵdai dep pe? Erteń halyqpen kezdesý kezinde týra sondai qarym qatynas alatyndyǵyńyzdy eskerý qajet. Sebebi ózderińiz úirettińizder", - deidi saiasatker.
Ábilqasymova Ádep kodeksin praktikada qoldaný máselesin kóterý qajet ekenin aityp otyr.
"Ministrler men ákimder jýrnalisterdi elemei, kamera aldynda súiisedi, depýtattar ministrlerge ashyq túrde dórekilik kórsetedi, eldiń kóńilin kóterý úshin tsirkke jumys isteýge kelgen joqsyzdar ǵoi. Bir-eki ret jaýapqa tartylsyn, esesine bári túsinedi", – dep jazady Ábilqasymova.
Esterińizge sala keteiik, buǵan deiin belgili qazaqstandyq ekolog Mels Eleýsizov pen depýtat Edil Jańbyrshin Májilistegi dóńgelek ústel kezinde daýlasyp qalǵan. Eleýsizov Almaty oblysyndaǵy sarqyndy sýlar men Balqash máseleleri týraly aitqan.
