Qazaqstan eldegi bilim berý mekemeleriniń qyzmetine eshkimniń aralasýyna jol bermeidi. Bul týraly QR Syrtqy ister ministri Qairat Ábdirahmanov burynǵy qazaq-túrik litseilerine qatysty pikir bildirý barysynda málimdedi, - dep habarlaidy "Ult aqparat" kaz.tengrinews.kz portalyna silteme jasap.
"Qazaq-túrik litseileri rebrendingten ótkenin rastaimyn, olardyń ataýy ózgerdi ("Bilim-innovatsiia litseii" - avtor.). Litseiler Qazaqstanda bekitilgen mekteptik baǵdarlamalar boiynsha jumys isteidi jáne olarǵa tiisti jergilikti atqarýshy bilik organdary basshylyq etedi. Biz Qazaqstandaǵy bilim berý mekemeleriniń qyzmetine bireýdiń aralasýyna jol bermeimiz", - dedi Qairat Ábdirahmanov.
Munyń aldynda QR-daǵy Túrkiia elshisi Nevzat Ýianyk Qazaqstanda Túrkiia úkimeti resmi qoldaityn oqý orny tek Iasaýi atyndaǵy Halyqaralyq qazaq-túrik ýniversiteti ekenin málimdegen bolatyn. "QR aýmaǵynda jumys istep jatqan jáne "qazaq-túrik mektepteri" ataýyn qoldanyp júrgen qalǵan oqý oryndary bizdiń eldiń memlekettik organdaryna esh qatysy joq", - dep málimdegen edi ol.
Alaida Qazaqstannyń Bilim jáne ǵylym ministrligi litseilerdi jabýdan bas tartyp, oqý oryndarynyń Túrkiiaǵa qatysy joǵyn, al bilim berý saiasatyn qazaqstandyq jáne halyqaralyq standarttar negizinde quryp otyrǵanyn aityp ótken bolatyn.
